15:08, 14 - ماۋسىم 2020 | GMT +5
قازاقستاندا كوروناۆيرۋستان 2 ادام كوز جۇمدى
نۇر- سۇلتان. قازاقپارات – كەشە قازاقستاندا كوروناۆيرۋس ينفەكسياسىنان 2 ادام كوز جۇمدى، دەپ حابارلايدى قازاقپارات coronavirus2020.kz-كە سىلتەمە جاساپ.
كوروناۆيرۋس قايتىس بولعان ادامنىڭ بىرەۋى شىمكەنت قالاسىنان ‒ 76 جاستاعى ەر ادام، ەكىنشىسى - باتىس قازاقستان وبلىسىنان 82 جاستاعى ەر ادام.
«كوروناۆيرۋستى جۇقتىرعان ناۋقاستاردىڭ ءولىم جاعدايىن زەرتتەۋ جونىندەگى كوميسسيا اتالعان ءولىم سەبەپتەرىن كوروناۆيرۋس ينفەكسياسىنان ورىن الدى دەپ تىركەۋگە شەشىم قابىلدادى»، دەلىنگەن حابارلامادا. قازاقستاندا COVID-19 ينفەكسياسىنان بارلىعى 72 ادام قايتىس بولدى.
