توقايەۆ 2 ميلليون اۋىل تۇرعىنىنىڭ تابىسىن كوتەرەتىن باعدارلاماعا باستاما جاسادى
بۇل تۋرالى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«قازىرگى احۋال بەلگىلى شىندىقتى ناقتى قۋاتتاپ بەردى: ازىق- تۇلىك قاۋىپسىزدىگى - تولىقتاي العاندا مەملەكەت قاۋىپسىزدىگىنىڭ باستى ەلەمەنتى. سوندىقتان ءبىز شارۋالارعا بارىنشا قولداۋ كورسەتۋدى جالعاستىرامىز. ءقازىردىڭ وزىندە جۇزەگە اسىرىلىپ جاتقان فوراردتىق ساتىپ الۋلارعا قوسىمشا وففتەيك- كەلىسىمشارتتار ەنگىزۋ جانە «قازاگرو» كرەديتتەرى بويىنشا بەرەشەكتەردى قايتا قۇرىلىمداۋ جولى ارقىلى قارجىلاندىرۋ تەتىگى كەڭەيتىلەدى»، - دەدى مەملەكەت باسشىسى.
ق ر پرەزيدەنتىنىڭ دەرەگىنشە، ەلىمىزدە شامامەن 1 ميلليون 700 مىڭ جەكە قوسالقى شارۋاشىلىق بار. دەگەنمەن ولاردىڭ ونىمدەرى ساۋدا نىساندارى ارقىلى رەسمي ساۋدالانبايدى جانە قايتا وڭدەۋ كاسىپورىندارىنا جەتكىزىلمەيدى. مەملەكەت ولاردان سالىق تا المايدى. ال مۇنداي شارۋاشىلىقپەن اينالىساتىندار الەۋمەتتىك جاعىنان دا قورعالماعان.
«ۇكىمەتكە «اتامەكەن» ۇ ك پ- مەن بىرلەسىپ، بىرنەشە وڭىردەگى اۋىلدا «القاپتان سورەگە دەيىن» كووپەراتسيالىق تىزبەكتى دامىتۋ بويىنشا ىلكى جوبانى ىسكە قوسۋدى تاپسىرامىن. كەيىنىرەك، جوبانى ماسشتابتاۋعا جانە 2021 -جىلدىڭ ورتاسىنا قاراي تولىققاندى باعدارلاما ازىرلەۋگە بولادى. بۇل باعدارلامانى جۇزەگە اسىرۋ بارىسىندا «دامۋ» قورىنىڭ كەپىلدىك بەرۋ قۇرالىن پايدالانۋ ارقىلى «قازاگرو» جەلىسى ارقىلى جىلدىق مولشەرلەمەسى 6 پايىزپەن جەڭىلدەتىلگەن ميكروكرەديتتى قولدانىلادى»، - دەدى قاسىم-جومارت توقايەۆ.
مەملەكەت باسشىسىنىڭ اتاپ وتۋىنشە، تۇراقتى ساتىپ الۋ جانە ساتۋ، قاتىسۋشىلاردىڭ اگرارلىق قۇزىرەتىن ارتتىرۋ جانە وقىتۋ جۇيەسىن دە جولعا قويۋ قاجەتتىگىن باسا ايتتى.
«مۇنىڭ بارلىعى شامامەن 2 ميلليون اۋىل تۇرعىنىنىڭ تابىسىن ارتتىرىپ، وتاندىق اۋىل شارۋاشىلىعى كاسىپورىندارىنىڭ جۇكتەمەسىن 53 تەن 70 پايىزعا دەيىن ۇلعايتادى جانە الەۋمەتتىك ماڭىزى بار ونىمدەر يمپورتىن تومەندەتەدى»، - دەدى ق ر پرەزيدەنتى.
