قوردايداعى قانتوگىس: ءى ءى م تاعى 2 ادامنىڭ قايتىس بولعانىن راستادى
«10 ادام كوز جۇمدى. 39 ادام اۋرۋحانادا جاتىر. سونىمەن بىرەگە زارداپ شەككەندەردىڭ ىشىندە بەس پوليتسەي بار. ۇشەۋى قارۋدان جارالانعان. الايدا پوليتسيا قىزمەتكەرلەرى ەشقانداي قارۋدىڭ قولدانباعانىن ايتقىم كەلەدى»، - دەدى الەكسەي كالايچيدي وكق- دا وتكەن باسپا ءسوز ءماسليحاتىندا.
ايتا كەتسەك، كەشەگى و ك ق- دا وتكەن باسپا ءسوز ءماسليحاتىندا ىشكى ىستەر ءمينيسترى ەرلان تۇرعىمبايەۆ قوردايداعى وقيعا سالدارىنان 8 ادامنىڭ قايتىس بولعانىن ءمالىم ەتكەن ەدى.
ەسكە سالا كەتەيىك، 7 - اقپاندا جامبىل وبلىسى قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولدى. كوپ وتپەي پرەزيدەنت قاسىم- جومارت توقايەۆ جامبىل وبلىسى قورداي اۋدانىندا بولعان جاپپاي توبەلەسكە قاتىستى پىكىر بىلدىرگەن- ءدى.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي توبەلەس بولدى. ونى ارانداتۋشىلار ءوز پايداسىنا قولدانباق بولعان. پوليتسيا جاعدايدى رەتتەپ، ءوز باقىلاۋىنا الدى. قوعامدىق ءتارتىپتى بۇزعاندار جاۋاپكەرشىلىككە تارتىلادى» دەپ جازدى قاسىم- جومارت توقايەۆ Twitter پاراقشاسىندا.
كەشە مەملەكەت باسشىسى جامبىل وبلىسىنداعى وقيعاعا بايلانىستى مالىمدەمە جاسادى.
اۆتور: ايان بەكەن ۇلى
