ەلوردادا ءبىر ۇيدەن 2 بالا تەرەزەدەن قۇلاپ كەتتى

نۇر- سۇلتان. قازاقپارات - نۇر- سۇلتاندا كوپقاباتتى تۇرعىن ءۇيدىڭ تەرەزەسىنەن ەكى بالا قۇلاپ كەتتى، دەپ حابارلايدى قازاقپارات توتەنشە جاعدايلار دەپارتامەنتىنە سىلتەمە جاساپ.

«كەشە «112» پۋلتىنە قاپال 1/1 كوشەسىندەگى ءۇيدىڭ تەرەزەسىنەن بالالاردىڭ قۇلاعانى تۋرالى حابار ءتۇستى. 2011 جانە 2013 - جىلى تۋعان بالالار اتا- انانىڭ قاراۋىنسىز قالىپ قويىپ، 4- قاباتتاعى پاتەردىڭ تەرەزەسىنەن قۇلاپ تۇسكەن. ەكەۋى ءارتۇرلى جاراقاتتارمەن  №2 قالالىق بالالار اۋرۋحاناسىنا جاتقىزىلدى»، - دەدى ت ج د وكىلى.

2019 -جىلدىڭ باسىنان بەرى ءدال وسىنداي 14 جاعداي تىركەلگەن (2018 -جىلى - 21)، 1 جاعدايدىڭ ارتى قازاعا اكەلگەن (2018 -جىلى - 8)، 13 جاعدايدا بالالار اۋرۋحاناعا جاتقىزىلعان (2018 -جىلى - 13).