ايەلىن ۇرىپ-سوقتى دەگەن كۇدىكپەن ۇستالعان باۋىرجان اشىعاليەۆ 2 ايعا قامالدى
«قالالىق تەرگەۋ سوتى كۇدىكتى باۋىرجان اشىعاليەۆتى 2 ايعا قاماۋ الۋ تۋرالى بۇلتارتپاۋ شاراسىن سانكسيالادى. وعان كەپىلمەن بوساپ شىعۋعا تىيىم سالىندى. سونىمەن قاتار، وعان ق ر ق ك 24-بابىنىڭ 3-بولىمىمەن، 126-بابى 2 - ءبولىمىنىڭ 1- تارماعىمەن كوزدەلگەن قىلمىستاردى جاسادى دەپ ايىپ تاعىلدى»، - دەدى قالالىق سوتتىڭ باسپا ءسوز قىزمەتىنەن.
مۇنىڭ الدىندا Jacpot توبىنىڭ ءانشىسى كسەنيا اشىعاليەۆا ءوزىنىڭ كۇيەۋى باۋىرجان اشىعاليەۆتىڭ ۇرىپ- سوققانىن ايتىپ فەيسبۋكتەگى #НеМолчиKZ توبىنا شاعىمدانعان ەدى. قىلمىستىق ءىستى تەكسەرۋ پروتسەسىن پوليتسيا دەپارتامەنتىنىڭ باسشىسى ءوز باقىلاۋىنا الدى. كسەنيا اشىعاليەۆا «Jackpot» توبىنىڭ ءانشىسى بولسا، ونىڭ كۇيەۋى باۋىرجان اشىعاليەۆ وسى توپتا گيتاراشى.
الماتى قالالىق پوليتسيا دەپارتامەنتىنىڭ باسشىسى سەرىك كۇدەبايەۆ تەرگەۋ شارالارى تۋرالى ايتتى.
«بۇل دەرەك بويىنشا ق ر ق ك- ءنىڭ 24-بابى (قورلىق كورسەتۋ) سوتقا دەيىنگى تەرگەۋ امالدارى باستالدى. پ د تەرگەۋ باسقارماسى ق ر ق ك-نىڭ 126-بابىنىڭ 2-بولىگىمەن (باس بوستاندىعىنان زاڭسىز ايىرۋ) قوسىمشا ءىس قوزعادى»، - دەدى سەرىك كۇدەبايەۆ.
اۆتور: گۇلميرا عوسمانالي