موڭعوليا پرەزيدەنتى 2 مىڭنان استام وقۋشىمەن بىرگە ولەڭ وقىدى

ۇلانباتىر. قازاقپارات - موڭعوليا پرەزيدەنتى حالتمااگيين باتتۋلگا اشىق الاڭدا ساپ تۇزەگەن 2222 وقۋشىمەن بىرگە مانەرلەپ ولەڭ وقىدى، دەپ حابارلايدى قازاقپارات مونتسامە اگەنتتىگىنە سىلتەمە جاساپ.

شارا سۋحبااتارا الاڭىندا ءوتتى. وندا موڭعوليا باسشىسى بىردەي كيىم كيىنگەن 2222 بالانىڭ ورتاسىندا تۇرىپ، اتالمىش ەلدىڭ ەڭبەك ەرى، قالامگەر دەندەۆيين پۋرەۆدورجانىڭ «تاۋەلسىزدىك» تۋىندىسىن وقىدى.

«تاۋەلسىزدىك» ولەڭىن ۇلت ماقتانىشى ەتىپ جاريالاۋ ماقساتىن تۇتقان ءىس- شارا، جاستارعا پاتريوتتىق سەزىم جانە تاۋەلسىزدىك تۇسىنىكتەرىن ۇعىندىرۋعا ۇلكەن سەپتىگىن تيگىزەدى»، - دەلىنگەن اقپاراتتا.

 ايتا كەتەيىك، موڭعوليادا بۇل شارا ءداستۇرلى بولىپ تابىلادى.