سىزگە كۇش بەرەتىن 2 تىركەس

None
None
 استانا. قازاقپارات - "Fast Company" جانە "The mouse" باسىلىمىنىڭ جۋرناليسى ەببي ۆۋلف (Abby Wolfe) ومىرىندە قولداناتىن ەڭ نەگىزگى ەكى تىركەسىمەن ءبولىستى.

 1. «ۋاقىت وتە ءبارى اياقتالادى» «جوعارى سىنىپتا فۋتبول كومانداسىنىڭ مۇشەسى بولدىم. جاتتىعۋ بارىسىندا 100 مەتردى 17 سەكۋندتا جۇگىرىپ، كەرى باياۋ ىرعاقپەن 30 سەكۋندتا كەلۋ كەرەك. وسىلاي 10 رەت قاتارىنان ىستەۋ مىندەتتەلدى. بۇل ءساتتى قورقىنىشپەن كۇتەتىنمىن. جۇگىرۋ مەن ءۇشىن قيىنعا سوقتى. دەنەم اۋىراتىن. ءبىراق، بار جان- ءتانىڭدى سالىپ جۇگىرۋىم كەرەك ەدى. ويتكەنى، ستۋدەنتتىك كومانداعا قوسىلۋ ارمانىم بولاتىن. وسىلايشا، جاتتىعۋعا دەگەن كوزقاراسىمدى وزگەرتتىم. ءار سەكۋند قيىنعا سوقسا دا، بۇنىڭ بارلىعى نەبارى 15 مينۋتقا سوزىلاتىنىن ۇقتىم. ويلانىپ قاراساڭىز، تىم قىسقا ۋاقىت ارالىعى". ءار جاتتىعۋ الدىندا ءوزىمدى: «كەلەسى 15 مينۋت قيىن بولادى. ءبىراق، ۋاقىت ءبىر ورىندا تۇرمايدى. 16 - مينۋت وتەدى، بارلىعى اياقتالادى»، -  دەپ سەندىردىم. مەن قيىن ساتتە ەمەس، 16-مينۋتتاعى ەركىندىكتى ويلاۋعا تىرىستىم. ۋاقىت وتە ءبارى ارتتا قالاتىنىن ەسكە سالىپ وتىرىڭىز. ءبىراق، جاعىمسىز ءىستىڭ اياقتالۋى ءۇشىن، ونى باستاۋ كەرەك.

 2. «وسى ءىستى اتقارسام، ءوزىمدى باقىتتى سەزىنەمىن» «جاتتىعۋدان سوڭ، ءوزىمدى باقىتتى سەزىنەتىنمىن. ودان بولەك، كۇش بىتكەندەي بولاتىن، جىلدام جۇگىرە باستايمىن. باستىسى، ەركىندىكتى سەزىنەمىن. ءبىراق، بۇل تەك فۋتبولدا ەمەس، ومىردە دە ىسكە اسادى. مىسالى، جۇمىسقا بارماستان بۇرىن سپورتپەن شۇعىلدانۋىم كەرەك بولادى. ءبىراق، ەرىنشەكتىك پەن ۇيقى مازامدى الا باستايدى. دەگەنمەن، ەگەر ۇيقىمنان تۇرىپ، جاتتىقسام، ءوزىمدى باقىتتى سەزىنەتىنىمدى بىلەمىن». ىسكە قۇلشىنا كىرىسە الماساڭىز، مىنانى نازارعا الىڭىز: ءىستى اياعىنا دەيىن جەتكىزىپ، ناتيجەسىن كورگەننەن ارتىق راحاتتانۋ سەزىمى جوق. قورقىنىشىڭىزدى جەڭۋگە تىرىسىڭىز. سوندا عانا، ەش الاڭسىز ۇيىقتاپ، ەش الاڭسىز سەرۋەندەي الاسىز.

 

Massaget.kz

 

سوڭعى جاڭالىقتار