بيىل ەكسپو اۋماعىنا 2 مەكتەپ سالىنادى

None
None
استانا. قازاقپارات - 2018-جىلى ەلوردادا 7 مىڭ ورىنعا ارنالعان 6 جاڭا مەكتەپ تۇرعىزىلادى. بۇل تۋرالى قالا اكىمى اسەت يسەكەشەۆ حالىققا ەسەپ بەرۋ كەزدەسۋىندە ايتتى، دەپ حابارلايدى قازاقپارات ءتىلشىسى.

اكىمنىڭ ايتۋىنشا، استانادا مەكتەپ ورىندارىنىڭ جەتىسپەۋشىلىگى مەن ءبىلىم ساپاسى ءالى دە وزەكتى ماسەلە بولىپ وتىر. جىل سايىن قالا مەكتەپتەرىنەن 10 مىڭ بالا تۇلەپ ۇشسا، ءبىرىنشى سىنىپقا 28 مىڭ بالا قابىلدانادى. سول سەبەپتى استانانىڭ 11 مەكتەبى ءۇش اۋىسىمدا جۇمىس ىستەۋگە ءماجبۇر.

«قازىر ۇكىمەتتىڭ قولداۋىمەن ارنايى باعدارلاما بويىنشا جۇمىس ىستەپ جاتىرمىز. بيىل 7 مىڭ ورىنعا ارنالعان 6 مەكتەپ تۇرعىزىلادى. ءبىر مەكتەپ اپاتتى جاعدايداعى 20№ مەكتەپ ورنىنا سالىنادى. تاعى ءبىر مەكتەپ اباي- بيگەلدينوۆ كوشەلەرىنىڭ قيىلىسىندا تۇرعىزىلىپ، 56№، 60، 35 جانە 1 مەكتەپتەگى وقۋشىلار سانىن ازايتۋعا سەپتىگىن تيگىزبەك. ەكسپو اۋدانىنداعى جاڭا باسپانا تۇرعىندارى ءۇشىن 2 مەكتەپ بوي كوتەرىپ، 74, 75№ جانە 84 مەكتەپ وقۋشىلار سانىن تومەندەتۋگە مۇمكىندىك بەرەدى. مەكتەپ ماسەلەسى بويىنشا «حايۆيل» ت ك تۇرعىندارى جۇگىنگەن بولاتىن، سوندىقتان ناجىمەدەنوۆ كوشەسىنىڭ بويىنا جاڭا مەكتەپ اشىلادى»، - دەپ اتاپ ءوتتى اسەت يسەكەشەۆ حالىققا ەسەپ بەرۋ كەزدەسۋىندە.

يسەكەشەۆتىڭ ايتۋىنشا، الداعى ءۇش جىلدا رەسپۋبليكالىق بيۋجەت ەسەبىنەن استانادا 27 مەكتەپ پەن 10 جاپسارلاس عيمارات سالۋ جوسپارلانعان. سونىڭ ىشىندە، «پرومىشلەننىي»، «پريگورودنىي»، «كوكتال 1, 2» تۇرعىن ءۇي الاپتارىندا جاڭا مەكتەپتەر بوي كوتەرمەك.

اۆتور: ايجان سەرىكجان قىزى

سوڭعى جاڭالىقتار