الماتى وبلىسىندا ءىز-ءتۇزسىز جوعالعان 2 بالانىڭ اناسى تابىلدى
ال تۋىستارى بولسا جوعالعان ايەلدى ىزدەپ، ونىڭ ومىرىنە قاۋىپ ءتوندى دەگەن ۇرەيمەن كۇن كەشكەن، دەپ حابارلايدى قازاقپارات ءتىلشىسى.
اناستاسيانىڭ تۋىستارى حالىقتان ونى ىزدەۋگە كومەك سۇراپ، ب ا ق كومەگىنە دە جۇگىنگەن. ءتىپتى جوعالعان قىزدى بەلگىسىز بىرەۋلەر قاساقانا ۇستاپ وتىر دەپ كۇدىكتەنگەن. سەبەبى، 23 جاستاعى تالعار اۋدانىنداعى بەلبۇلاق اۋىلىنىڭ تۇرعىنى 19 -قاڭتار كۇنى ۇيىنەن شىعىپ، سول كۇيى ورالماعان. الايدا جاس كەلىنشەكتىڭ ۇيىنە قايتىپ ورالماۋىنا جانجال تۇرتكى بولعانىن پوليتسەيلەر انىقتادى.
«تالعار اۋدانىنىڭ پوليتسەيلەرى جوعالعان ادامدى تاپتى. قازىر 23 جاستاعى اناستاسيا بۋكوۆا جاقىندارىمەن كەزدەستى. ايەلدىڭ سوزىنشە، ول وسى ۋاقىت ارالىعىندا تالعار قالاسىنداعى تانىسىنىڭ ءۇيىن پانالاعان. ال ونىڭ مۇنداي شەشىم قابىلداۋىنا جولداسى ەكەۋىنىڭ اراسىنداعى جانجال سەبەپ بولعان»، - دەپ ءمالىم ەتتى وبلىستىق ءى ءى د باسپا ءسوز قىزمەتى.
