عالامدىق ەكولوگيالىق قور بالقاشتى وڭالتۋعا 2 ميلليون دوللار ءبولدى
قازاقستاندا بالقاش پروبلەماسى ەڭ وزەكتى ماسەلە بولعاندىقتان عالامدىق قور ق ر ۇكىمەتىنىڭ وتىنىشىمەن بالقاشتىڭ ەكولوگيالىق احۋالىن جاقسارتۋعا 2 ميلليون ا ق ش دوللارى كولەمىندە قايتارىمسىز قارجى ءبولدى.
بۇل اقشا اتالعان ايماقتىڭ جەر رەسۋرستارىن ءتيىمدى پايدالانۋدى باسقارۋعا باعىتتالماق.
«بالقاش ارالدىڭ تاعدىرىن قايتالاماس ءۇشىن الماتى وبلىسىنداعى ىلەنىڭ بالقاشقا قۇيار ساعاسىنىڭ تۇزدانۋ پروتسەسىن توقتاتۋ، بالقاش ماڭىنداعى جايىلىمدى ءتيىمدى پايدالانۋ، اتا- بابا سالتى بويىنشا مالدى ءتورت ماۋسىمدا جايۋ جۇمىستارىن جۇيەلەيتىن بولامىز. وڭتۇستىك بالقاشتان تيان- شانعا دەيىن، شۋ- ىلە الاتاۋىنا دەيىن سوزىلعان ايماقتا باۋ- باقشا مادەنيەتىن قالىپتاستىرۋ جۇمىستارى قولعا الىنادى. سونىمەن قاتار ىلە الاتاۋىنداعى تاۋلى ايماقتاردا باۋ- باقشا ءوسىرۋ ارقىلى جەرگىلىكتى حالىقتىڭ الەۋمەتتىك جاعدايىن قالپىنا كەلتىرۋ كوزدەلگەن. جوبانى اتقارۋ جۇمىسى ق ر ا ش م بەكىتىلگەن»، - دەدى قۇرالاي كارىبايەۆا.
عالامدىق قوردىڭ جوباسىنا قازاقستاننان بولەك ورتا ازيانىڭ 6 ەلى كىرىپ وتىر. بۇل ەلدەردىڭ بارلىعىنا 12 ميلليون ا ق ش دوللارى قاراستىرىلعان.
ءار مەملەكەت 2 ميلليون دوللار كولەمىندە قارجى يگەرە الادى.
«بالقاش كولى قىتايدان باستالاتىن وزەننىڭ سۋىنا تاۋەلدى. ترانسشەكارالىق ەلدەرمەن بالقاش ەكولوگياسى بويىنشا ءالى ءبىر ۋاجگە كەلگەن جوقپىز. قىتاي تارابى ءوز ەلدەرىندە اۆتونوميالىق ايماق جاساپ العان. ىلەنىڭ سۋى بالقاشقا جەتكىلىكتى تۇردە جەتىپ جاتقان جوق. ءبىز اقشانى سەبەپپەن كۇرەسكە سالۋىمىز كەرەك. ارال كاتاستروفاسى الەمنىڭ ەكوجۇيەسىنە دە ىقپالىن تيگىزىپ جاتىر. ارالدان ۇشقان تۇز امەريكادا، انتاركتيدادان تابىلىپ جاتىر»، - دەدى قۇرالاي كارىبايەۆا.
اۆتور: گۇلميرا عوسمانالي
