نۇرسۇلتان نازاربايەۆ: امەريكا قازاقستانعا سالىنعان ينۆەستيتسيا كولەمى بويىنشا 2-ورىندا

ۆاشينگتون. قازاقپارات - بۇگىن ۆاشينگتوندا قازاقستان پرەزيدەنتى نۇرسۇلتان نازاربايەۆ ا ق ش- تىڭ ىسكەرلىك توپ وكىلدەرىمەن كەزدەستى، دەپ حابارلايدى قازاقپاراتتىڭ ارناۋلى ءتىلشىسى.

ەلباسى كەزدەسۋ بارىسىندا قازاقستان مەن ا ق ش اراسىنداعى قارىم-قاتىناستىڭ ستراتەگيالىق سيپاتىنا ايرىقشا ءمان بەرىپ ءوتتى.

«امەريكا قازاقستان ەكونوميكاسىنا سالىنعان تىكەلەي ينۆەستيتسيا كولەمى بويىنشا ەكىنشى ورىنعا يە. تاۋەلسىزدىك جىلدارىنىڭ ىشىندە سىزدەردىڭ كومپانيالارىڭىزدىڭ تاراپىنان قازاقستانعا 50 ميلليارد دوللاردان استام ينۆەستيتسيا كەلدى. وتكەن جىلى ەلدەرىمىز اراسىنداعى تاۋار اينالىمى شامامەن 2 ميلليارد دوللار بولدى. ەلىمىزدە امەريكالىق كاپيتالدىڭ قاتىسۋىمەن ەنەرگەتيكا، كولىك، يننوۆاتسيا، مەديتسينا جانە باسقا دا سالالاردا 500 دەن استام كومپانيا قىزمەتىن تابىستى جۇزەگە اسىرۋدا. ءبىزدىڭ ءىرى سەرىكتەستەرىمىزدىڭ اراسىندا «شيەۆرون»، «ەكسون موبيل»، «دجەنەرال ەلەكتريك»، «حەلليبەرتون» جانە وزگە دە كومپانيالار بار»، - دەدى قازاقستان پرەزيدەنتى.

كەزدەسۋ سوڭىندا اۆياتسيا مەن عارىشتىق زەرتتەۋ، مۇناي حيمياسى مەن اۋىل شارۋاشىلىعى، سونىمەن قاتار ينفراقۇرىلىمدىق دامۋ سالالارىنداعى جوبالاردى جۇزەگە اسىرۋعا باعىتتالعان قۇنى شامامەن 7 ميلليارد دوللاردى قۇرايتىن ينۆەستيتسيالىق جانە ساۋدا-ەكونوميكالىق ىنتىماقتاستىق تۋرالى 20 دان استام كوممەرتسيالىق كەلىسىمگە قول قويىلدى.

ماسەلەن، شامامەن 1,5 ميلليارد دوللارعا اۆياتسيا جانە عارىشتىق زەرتتەۋ سالاسىنداعى تەحنيكالار مەن قىزمەتتەردى ساتىپ الۋ جونىندەگى كەلىسىم جاسالدى. ال ا ق ش- تىڭ شەتەلدىك جەكە ينۆەستيتسيالار كورپوراتسياسىمەن، وپەنحايمەر جانە گولدمان ساكس كومپانيالارىمەن بىرلەسكەن ينۆەستيتسيالىق جوبالار مەن ساۋدا وپەراتسيالارىن قارجىلاندىرۋ قۇجاتىنىڭ سوماسى 3 ميلليارد دوللاردى قۇرايدى. سونىمەن قاتار تەمىر جول سەكتورىنىڭ جوبالارى بويىنشا دجەنەرال ەلەكتريك كورپورەيشنمەن 1 ميلليارد دوللاردان استام سوماعا كەلىسىمشارت راسىمدەلدى.

اۆتور: مارلان جيەمباي