ەليزاۆەتا 2 پاتشايىم ءتاجىن كيىپ ءجۇرۋدىڭ قيىندىعى تۋرالى ايتىپ بەردى

استانا. قازاقپارات - ۇلى بريتانيا پاتشايىمى ەليزاۆەتا ەكىنشى «بي- بي- سي» تۇسىرگەن دەرەكتى فيلمدە مارتەبەلى بولۋدىڭ قيىن تۇستارىن ايتىپ، مۇڭىن شاقتى.

پاتشايىم بريتان يمپەرياسىنىڭ ءتاجىن ەرەكشە شارالار كەزىندە كيەدى. 2800  الماز تاس، جۇزدەگەن مارجان، ءزۇبارجات، جاقۇت، لاعىلمەن اپتالىپ، كۇپتەلگەن ءتاجدىڭ سالماعى 1 كەلى جانە 300 گرام تارتادى ەكەن.

«بۇل ءتاجدى كيگەن كەزدە پاراققا جازىلعان ءسوزدى حالىق الدىندا كادىمگىدەي تومەن قاراپ وقىپ شىعامىن دەپ ويلاما - سەنىڭ سول پاراقتى جانارىڭا جاقىن ەتىپ، وقۋىڭا تۋرا كەلەدى. سەبەبى نازارىڭدى تومەن ءتۇسىرىپ، باسىڭدى يسەڭ جەلكەڭ سىنىپ، ءتاج جەرگە اۋناپ تۇسەدى»، - دەگەن ەكەن ەليزاۆەتا II.

پاتشايىمنىڭ ايتۋىنشا، ءتاجدىڭ وزىندىك كەمشىن تۇستارى بولادى. «ءبىراق نە دەسەك تە، ءتاج - بۇل ماڭىزدى اتريبۋت»، - دەدى مونارح.

www.24.kz