قازسات-2- ءنى الماستىراتىن جاڭا سپۋتنيكتى قۇراستىرۋ مەرزىمى انىقتالدى
«KazSat-2» سپۋتنيگىنىڭ رەسۋرسىن پايدالاناتىن جۇمىس جاساپ تۇرعان سپۋتنيكتىك بايلانىس جانە تەلەراديوحابار تاراتۋ جەلىلەرىنىڭ ۇزدىكسىز جۇمىسىن قامتاماسىز ەتۋ ءۇشىن «KazSat-2R» سپۋتنيگىن قۇرۋ جانە پايدالانۋعا ەنگىزۋ بويىنشا جوبا پىسىقتالۋدا. سونداي- اق، «KazSat-2R» جوباسىنىڭ اياسىندا قازاقستاننىڭ ەكونوميكا سالالارىن سيفرلاندىرۋدىڭ العىشارتتارىن جاساۋ ءۇشىن ينتەرنەت جەلىسىنە جوعارى جىلدامدىقتى قولجەتىمدىلىك قىزمەتتەرىن تولىقتاي قامتۋ بويىنشا مىندەتتەردى شەشۋگە مۇمكىندىك بەرەتىن تەحنيكالىق شەشىمدەردى قويۋ مۇمكىندىگى بار»، - دەپ اتاپ وتىلگەن مينيسترلىك مالىمەتىندە.
وسى ورايدا بولاشاقتا سپۋتنيكتىك بايلانىستىڭ جەرءۇستى تەحنولوگيالارىمەن قامتاماسىز ەتىلمەگەن اۋىلدىق جەرلەردە ينتەرنەت پەن ۇيالى بايلانىسقا كەڭ جولاقتى جەلىگە قول جەتكىزىلەدى. مۇنىمەن قوسا، جاڭا جەر سەرىگى ەل اۋماعىنا تەلەراديوحابار تاراتۋ، سونىمەن بىرگە «KazSat-2» سپۋتنيگىنىڭ رەسۋرسىن پايدالاناتىن سپۋتنيكتىك بايلانىس جانە تەلەراديوحابار تاراتۋ جەلىلەرىنىڭ ۇزدىكسىز جۇمىسى قامتاماسىز ەتىلەدى.
«قازىرگى تاڭدا بولاشاقتاعى سپۋتنيكتىڭ تەحنيكالىق كەسكىنى مۇددەلى مەملەكەتتىك ورگاندارمەن بىرىگىپ پىسىقتالۋدا جانە ونى قۇراستىرۋ بويىنشا جۇمىستارىن 2020 -جىلى باستاۋ جوسپارلانىپ وتىر»، - دەيدى مينيسترلىك وكىلدەرى.
بۇدان بۇرىن حابارلانعانداي، ق ر قورعانىس جانە ايەروعارىش ونەركاسىبى ۆيتسە- ءمينيسترى مارات نۇرعوجين قازاقستاندا «KazSat-2» جەر سەرىگى اۋىستىرىلاتىنىن ايتتى.
«KazSat-2R» جەر سەرىگىنىڭ جۇمىس ۋاقىتى 2023 - جىلعا دەيىن نەگىزدەلگەن، ياعني ول 12,5 جىل قىزمەت ەتۋى ءتيىس (2011 -جىلى عارىشقا شىعارىلدى). سوندىقتان ءبىز وسى جىلدان ونىڭ ورنىنا جاڭا عارىش اپپاراتىن دايىنداۋ جوباسىن ىسكە اسىرۋدى باستادىق. 2023-جىلى جاڭا سپۋتنيكتى سول نۇكتەگە ورنالاستىرامىز جانە بۇل شارالار بايلانىس وپەراتورلارىنا كەدەرگى كەلتىرمەيدى»، - دەگەن ەدى ماجىلىستەگى ۇكىمەت ساعاتىنان كەيىن.
ونىڭ سوزىنە قاراعاندا، «KazSat-2» سالىنعان اقشانى 2018 -جىلى، ال «KazSat-3» سالىنعان اقشانى 2021 -جىلى اقتاپ، وسىدان كەيىن تازا كىرىس اكەلەدى.
اۆتور: رۋسلان عابباسوۆ
