قازسات-2 سپۋتنيگىنىڭ جۇمىسى قالپىنا كەلتىرىلدى
دەپ حابارلايدى «قازاقپارات» ح ا ا ءتىلشىسى «رەسپۋبليكالىق عارىش بايلانىسى ورتالىعى» ا ق باسپا ءسوز قىزمەتىنە سىلتەمە جاساپ.
بۇعان دەيىن حابارلانعانداي، 2017 -جىلدىڭ 31 - ناۋرىزىندا استانا ۋاقىتىمەن ساعات 08:22-دە « KazSat-2» سپۋتنيگىنىڭ قازاقستاندىق جەرءۇستى وپەراتورلاردىڭ سيگنالى ناشارلادى. جاعداي تۋرالى ق ر قورعانىس جانە ايروعارىش ونەركاسىبى مينيسترلىگى، اقپارات جانە كوممۋنيكاتسيالار مينيسترلىگىنە، سونداي- اق سپۋتنيك رەسۋرسىن قولداناتىن وپەراتورلارعا دەرەۋ حابار بەرىلدى. KazSat-2 عارىش اپپاراتىنىڭ رەسۋرستارىن قولداناتىن ق ر بايلانىس جانە تەلەحابار تاراتۋدىڭ 13 وپەراتورىنىڭ ءبىر بولىگىندە عانا سيگنال ناشارلاعان، «سپۋتنيكپەن بايلانىستىڭ جوعالۋى تۋرالى» ايتىلعان جوق، دەپ حابارلادى باسپا ءسوز قىزمەتى.
رەسپۋبليكالىق عارىشتىق بايلانىس ورتالىعىنىڭ ماماندارى اپپاراتتى ازىرلەۋشىلەرمەن بىرلەسىپ، KazSat-2 جۇمىسىنداعى شتاتتان تىس جاعداي سەبەپتەرىن مۇقيات زەرتتەپ جاتىر. ازىرگە «اقكول» جەرۇستى باقىلاۋ كەشەنىنىڭ ينجەنەرلەرى « KazSat-2» شتاتتىق پايدالانۋدى جۇزەگە اسىرۋدا، بايلانىس پەن تەلەحابار تاراتۋدىڭ بارلىق وپەراتورلارىنىڭ جۇمىسى قالپىنا كەلتىرىلدى، دەپ اتالىپ ءوتتى ر ع ب و باسپا ءسوز بايانىندا.
