ق ر قورعانىس مينيسترلىگىنىڭ 2 ميلليارد تەڭگە جىمقىرعان قىزمەتكەرلەرىنە ۇكىم شىقتى
بۇل تۋرالى ق ر اسكەري سوتىنىڭ باسپا ءسوز قىزمەتى حابارلادى. سوتتالعاندار قازاقستان رەسپۋبليكاسى قارۋلى كۇشتەرىنىڭ اسكەريلەردى پاتەرلەرگە ورنالاستىرۋ باس باسقارماسىنىڭ جانە قازاقستان رەسپۋبليكاسى قورعانىس مينيسترلىگىنىڭ بيۋدجەتتىك جوسپارلاۋ جانە قارجى دەپارتامەنتىنىڭ وفيتسەرلەرى اراسىنان، سونداي- اق جەكە كاسىپكەر قۇرامىنداعى ۇيىمداسقان قىلمىستىق توپ قۇرعانىنا كىنالى دەپ تانىلدى. اتالعان تۇلعالار 2 ميلليارد تەڭگە كولەمىندەگى ءىرى مولشەردە بيۋدجەت قاراجاتىن جىمقىرعان. اتالعان قىلمىستىق ءىس بويىنشا 11 تۇلعا سوتتالىپ، ۇيىمداسقان توپ جەتەكشىلەرى 11-دەن 13 جىلعا دەيىنگى ۇزاق مەرزىمدەرگە باس بوستاندىعىنان ايىرۋ جازاسى تاعايىندالدى.
توپتىڭ قالعان مۇشەلەرى 7 - 11 جىلعا دەيىنگى مەرزىمگە باس بوستاندىقتارىنان ايىرىلدى. مەملەكەتكە كەلتىرىلگەن زيان سوتتالعانداردان ءوندىرىلدى. سوتپەن سوتتالعانداردىڭ قىلمىستىق جولمەن تابىلعان نە قىلمىستىق جولمەن تابىلعان قاراجاتقا ساتىپ الىنعان مۇلىكتەرى، ياعني استانا جانە الماتى قالالارىنداعى ەليتالىق تۇرعىن ۇيلەردەگى پاتەرلەر، اۆتوتۇراقتار، قۇرىلىس ءۇي- جايلارى جانە كەڭسە ءۇي- جايلارى، سونداي- اق قىمبات باعالى اۆتوكولىكتەر مەن سوتتالعانداردىڭ تۇرعىلىقتى مەكەن- جايلارىنان الىنعان اقشالاي قاراجاتتار مەملەكەتتىڭ مەنشىگىنە تاركىلەندى. ۇكىم زاڭدى كۇشىنە ەنگەن جوق.
