استانانى الداعى مەرەكەلىك شارالاردا 2 مىڭنان اسا پوليتسيا قىزمەتكەرى قامتاماسىز ەتەدى
وعان استانا قالاسى ءى ءى د جەرگىلىكتى پوليتسيا قىزمەتى باسقارماسىنىڭ باسشىسى، استانا قالاسى بويىنشا ۇ ق ك د باسشىسى، سونداي-اق اۋدان اكىمدەرى قاتىستى. كەزدەسۋ بارىسىندا قازاقستان رەسپۋبليكاسى تاۋەلسىزدىگىنىڭ 25 جىلدىعىن مەرەكەلەۋ شەڭبەرىندە ەلوردا نىساندارىندا قوعامدىق قاۋىپسىزدىكتى ساقتاۋ جانە باقىلاۋدى كۇشەيتۋ شارالارى تالقىلاندى. وتىرىستا قالانىڭ كۇش قۇرىلىم باسشىلارى قابىلدانعان شارالار تۋرالى ەسەپ بەردى.
مەرەكەلىك شارالار بارىسىندا تۇرعىنداردىڭ قاۋىپسىزدىگىن 2 مىڭنان اسا ءتارتىپ ساقشىسى قامتاماسىز ەتەتىن بولادى. كۇشەيتىلگەن رەجيم 2016 -جىلعى جەلتوقساننىڭ 8 ىندە باستالىپ، 2017 -جىلعى قاڭتاردىڭ 15 ىنە دەيىن جالعاسادى. استانا قالاسى ىشكى ىستەر دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باسشىسى باقىتجان مالىبايەۆتىڭ ايتۋىنشا، مەرەكە كۇندەرى بارلىق قوعامدىق ورىندار ايرىقشا باقىلاۋعا الىنادى. حالىق كوپ جينالاتىن ورىندار تاۋلىك بويى باقىلانادى، دەپ حابارلايدى اكىمدىكتىڭ باسپا ءسوز قىزمەتىنەن.
