شاڭحايدا ق ر مەن ق ح ر اراسىندا 2 ميلليارد دوللارعا كەلىسىم جاسالدى

شاڭحاي. قازاقپارات - شاڭحايدا قر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆتىڭ قاتىسۋىمەن وتكەن يندۋستريالدى-يننوۆاتسيالىق ىنتىماقتاستىقتى دامىتۋ ماسەلەلەرى بويىنشا قازاق-قىتاي دوڭگەلەك ۇستەلىنىڭ قورىتىندىسى بويىنشا جالپى سوماسى 2 ميلليارد دوللار بولاتىن 4 كەلىسىمگە قول قويىلدى.

اتاپ ايتقاندا مىناداي قۇجاتتارعا قول قويىلدى:  «KazakhstanPetrochemicalIndustriesInc» ج ش س مەن قىتايدىڭ مەملەكەتتىك دامۋ بانكى اراسىندا جالپى سوماسى 2 ميلليارد ا ق ش دوللارى بولاتىن قۇجاتقا قول قويىلدى. سونداي-اق ق ر «اتامەكەن» ۇلتتىق كاسىپكەرلەر پالاتاسى مەن «Zhejiang JUMORE E-CommerceCo, Ltd» كومپانياسى اراسىندا ءوزارا تۇسىنىستىك مەموراندۋمى جاسالدى.

سونىمەن بىرگە ق ر «اتامەكەن» ۇلتتىق كاسىپكەرلەر پالاتاسى مەن شاڭحاي قالاسىنىڭ حالىقارالىق ساۋدانى دامىتۋعا جاردەمدەسۋ جونىندەگى كوميتەتى اراسىندا ىنتىماقتاستىق مەموراندۋمىنا قول قويىلدى. "KAZNEX INVEST" ەكسپورت جانە ينۆەستيتسيالار ۇلتتىق اگەنتتىگى مەن Zhejiang JUMORE E-CommerceCo, Ltd» كومپانياسى اراسىندا ءوزارا تۇسىنىستىك مەموراندۋمى جاسالدى.

ەسكە سالا كەتەيىك، شارانى «KAZNEX INVEST» ەكسپورت جانە ينۆەستيتسيالار ۇلتتىق اگەنتتىگى» ا ق ۇيىمداستىردى، ونىڭ باسقارما ءتوراعاسى بوريسبي جانگۋرازوۆ جيىنعا مودەراتور بولدى.

دوڭگەلەك ۇستەلگە 70 كە تارتا ادام قاتىستى - ق ر ينۆەستيتسيالار جانە دامۋ ءمينيسترى جەڭىس قاسىمبەك، ا ش م ۆيتسە-ءمينيسترى گۇلميرا يسايەۆا، «اتامەكەن» ۇلتتىق كاسىپكەرلەر پالاتاسى، «و ح ك» ج ش س، «KPI» ج ش س، «الليۋر» كومپانيالار توبى» ا ق، «سارىارقا اۆتو وندىرىس» ج ش س جانە ءبىرقاتار قازاقستاندىق، قىتاي فيرمالارى «Bayin Nonferrous Metal Industry Group Ltd.», «China Telecom», AVIC Securities Co. Ltd., CNPC, Huawei,  «شينحۋا» جانە باسقا كومپانيالار، «جىبەك جولى» قورى، قىتاي بانكى، قىتايدىڭ مەملەكەتتىك دامۋ بانكىنىڭ وكىلدەرى قاتىستى.