استانادا جوعالعان 2 جاسار ءسابي قامىس اراسىندا ۇيىقتاپ جاتقان جەرىنەن تابىلدى
بۇل تۋرالى ەلوردانىڭ ءى ءى د جەرگىلىكتى پوليتسيا قىزمەتىنىڭ ينسپەكتورى ءلاززات بيسەمبايەۆا ءمالىم ەتتى.
2016 -جىلدىڭ 28 - تامىزى كۇنى ساعات 20-08-دە استانا قالاسىنىڭ جەدەل باسقارۋ ورتالىعىنا 2 جاسار قىزدىڭ جوعالىپ كەتكەندىگى تۋرالى اقپارات كەلىپ تۇسكەن. ءسابي مايسكايا كوشەسى بويىندا ءۇيدىڭ اۋلاسىندا ويناپ جۇرگەن. ءبىراز ۋاقىتتان كەيىن اناسى قىزىنىڭ جوق ەكەندىگىن بايقاعان.
اقپارات كەلىپ تۇسكەن ساتتە وقيعا ورنىنا پوليتسيا قىزمەتكەرلەرى جونەلتىلگەن. 2 ساعات بويى پوليتسيا قىزمەتكەرلەرى بالانى ىزدەپ، كۋاگەرلەردەن سۇراعان، توڭىرەكتى شولىپ شىققان. ساعات 22-20-دا استانا قالالىق ءى ءى د جەرگىلىكتى پوليتسيا قىزمەتىنىڭ قىزمەتكەرى باعداۋلەت پەرنەشوۆ ۇيگە تاقاۋ جەردە، قامىس اراسىندا ۇيىقتاپ جاتقان ءسابيدى تاۋىپ العان.
2 جاسار ءسابي اتا- اناسىنا تابىستالىپ، الداعى ۋاقىتتا مۇنداي كەلەڭسىزدىككە بوي الدىرماۋ ءۇشىن اڭگىمەلەسۋ جۇرگىزىلدى.
جەرگىلىكتى پوليتسيا قىزمەتى اتا- انالاردى كىشكەنتاي بالالارىن قاراۋسىز قالدىرماۋعا شاقىرادى.
اۆتور: مارلان جيەمباي
