كەلەر جىلى قازاقستان ەكونوميكاسى كەمىندە 2 پايىز ءوسىم كورسەتەدى - ەكونوميكا ءمينيسترى

بەلگراد. قازاقپارات - 2017 -جىلى قازاقستان ەكونوميكاسى كەمىندە 2 پايىز ءوسىم كورسەتەدى. بۇل تۋرالى بۇگىن قازاقستان- سەربيا ساۋدا- ەكونوميكالىق ىنتىماقتاستىق جونىندەگى ۇكىمەتارالىق كوميسسياسىنىڭ ءبىرىنشى وتىرىسىندا ق ر ۇلتتىق ەكونوميكا ءمينيسترى قۋاندىق بيشىمبايەۆ ايتتى.
None
None

«ءبىزدىڭ 2017 -جىلعا بولجامىمىزعا سايكەس، ەكونوميكامىز كەمىندە 2 پايىزعا ءوسىم كورسەتەتىن بولادى. ال 2018-2019 -جىلدارى ەكونوميكامىزعا داعدىلى 3 تەن 5 پايىزعا دەيىنگى ءوسىم قارقىنىنا قول جەتكىزەمىز»، - دەدى مينيستر.

سونىمەن قاتار ول قازاقستان نارىعىنىڭ اۋقىمىنىڭ وتە ۇلكەندىگىن ءارى ونى تولىق يگەرۋگە ەلدىڭ ءوز مۇمكىنشىلىگى جەتە بەرمەۋى مۇمكىن ەكەندىگىن ەسكەرتىپ ءوتتى.

«سول سەبەپتى ينفراقۇرىلىمدىق جوبالاردى جۇزەگە اسىرۋ ءۇشىن سەرب تاراپىنىڭ تاجىريبەسى مەن مۇمكىنشىلىكتەرىن پايدالانۋعا بولارلىق سالالاردىڭ تابىلاتىندىعى دا انىق»، - دەدى ق. بيشىمبايەۆ.

مينيستر سەربيالىق تاراپتى جىل سوڭىنا دەيىن قازاقستانعا كەلىپ، قۇرىلىس، ينجەنەرلىك جانە جوبالاۋ سالالارىنداعى ەلىمىزدىڭ مۇمكىنشىلىگىن زەردەلەۋگە شاقىردى.

ءوز كەزەگىندە سەربيانىڭ ەكونوميكا ءمينيسترى گوران كنەجيەۆيچ قازاقستانمەن ەكونوميكالىق ىنتىماقتاستىقتى دامىتۋعا مۇددەلى ەكەندىگىن باسا ايتتى. «ءبىز قازاقستان تاراپىنا سەرب كومپانيالارىنا ينۆەستيتسيا سالۋعا، جەكەشەلەندىرۋگە جانە اۋىل شارۋاشىلىعى، فارماسيەۆتيكا، تۋريزم سىندى باسقا دا سالالارداعى ىنتىماقتاستىقتىڭ سان الۋان تۇرلەرىنە قاتىسۋ مۇمكىنشىلىگىن ۇسىنامىز»، - دەدى ول.

null 

اۆتور: مارلان جيەمباي

سوڭعى جاڭالىقتار