تۇركى قاعاناتى زامانىنان قازىرگە دەيىنگى قارۋلاردىڭ دامۋ تاريحى 2 مينۋت ىشىندە كورسەتىلدى - كەسكىن
2-5 -ماۋسىم ارالىعىندا استانادا وتەتىن IV حالىقارالىق «KADEX» قارۋ- جاراق پەن اسكەري- تەحنيكالىق مۇلىك كورمەسى قارساڭىندا «120 سەكۋند ىشىندەگى قارۋدىڭ شىعۋ تاريحى» اتتى روليك جاسالدى. كورەرمەندەرگە تۇرىك قاعاناتى كەزىنەن باستاپ قازىرگى كۇنگە دەيىنگى قازاقستان اۋماعىندا پايدالانىلعان قارۋدىڭ تۇرلەرى كورسەتىلدى.
روليكتە ساداق جانە تۇرىك قاعاناتى مەن قازاق حاندىعىنىڭ جەبەلەرى، بىلتە مىلتىعى، سوققى- شاقپاقتاس قۇلپى بار مىلتىق، كاپسيۋلدى تەتىگى بار مىلتىق، ⅩⅩ عاسىردىڭ باسى مەن ءبىرىنشى جارتىسىنىڭ قارۋى، ەكىنشى دۇنيەجۇزىلىك سوعىس كەزىندەگى قارۋ، ايگىلى كالاشنيكوۆ اۆتوماتى مەن ونىڭ موديفيكاتسيالارى، ⅩⅩ عاسىردىڭ وزگە دە قارۋى كورسەتىلگەن. قازىرگى ۋاقىتتاعى قارۋ رەتىندە روليكتە قازاقستان قارۋلى كۇشتەرى ارنايى بولىمشەلەرىنىڭ جاراقتاندىرۋىندا تۇرعان زاماناۋي ۆينتوۆكا كورسەتىلگەن. وسىلايشا، 2 مينۋت ىشىندە كورەرمەن نازارىنا ەلىمىزدىڭ تاريحىنىڭ ءارتۇرلى كەزەڭدەرىندە، ياعني، قازاق حاندىعىنىڭ قۇرىلعانعا دەيىنگى كەزەڭ، قازاق حاندىعى، ك س ر و، تاۋەلسىز قازاقستان قۇرامىندا قولدانىلعان قارۋدىڭ تۇرلەرى ۇسىنىلادى.
بۇگىندە قازاقستان رەسپۋبليكاسىنىڭ قارۋلى كۇشتەرىندە قولدانىلىپ جۇرگەن قارۋ- جاراقتى 2-5 -ماۋسىم ارالىعىندا استاناداعى ق ر ق ك- نىڭ اۆياتسيالىق بازاسىندا وتەتىن IV حالىقارالىق «KADEX» قارۋ- جاراق پەن اسكەري- تەحنيكالىق مۇلىك كورمەسىندە نيەت بىلدىرگەن بارشا قاۋىم تاماشالاي الاتىنىن ايتا كەتەيىك.
