الماتى وبلىسى ەت ەكسپورتىن 2 مىڭ تونناعا جەتكىزبەك
بۇل تۋرالى بۇگىن «مەملەكەت باسشىسىنىڭ 5 ينستيتۋتتىق رەفورماسىن جۇزەگە اسىرۋ بويىنشا 100 ناقتى قادام» ۇلت جوسپارىن جۇزەگە اسىرۋ ماسەلەلەرىنە ارنالعان باسپا ءسوز ءماسليحاتى بارىسىندا اتالعان ءوڭىردىڭ باسشىسى اماندىق باتالوۆ ءمالىم ەتتى.
ونىڭ ايتۋىنشا، 61-قادام اياسىندا ەت ءوندىرىسىن جانە وڭدەۋدى دامىتۋ ءۇشىن ستراتەگيالىق ينۆەستورلار تارتۋ مىندەتى قويىلعان.
نەگىزگى ماقسات - شيكىزات بازاسىن دامىتۋ جانە وڭدەلگەن ءونىمدى ەكسپورتتاۋ. «وبلىستا ءىرى قارا مال سانى ءبىر ميلليون باستان استى، ونىڭ ىشىندە اسىل تۇقىمدى مال ۇلەسى 18,3 پايىزعا جەتتى. بۇل كورسەتكىش جىل سايىن ارتىپ كەلەدى. بۇگىنگى تاڭدا 19 مىڭ مال باسىنا ارنالعان التى ءىرى جەمدەۋ الاڭى جۇمىس جاسايدى. ونىڭ ىشىندە ۇشەۋى - «وتەسبيوازيا» ج ش س، «جاقسىلىق» ش ق جانە «يمپەريا فۋد» ج ش س- ى 67 شارۋا قوجالىقتارى ءۇش كووپەراتيۆكە بىرىكتىرىلۋدە»، - دەدى ول.
وبلىس باسشىسىنىڭ سوزىنە قاراعاندا، اعىمداعى جىلى 16,9 مىڭ مال باسىنا ارنالعان تاعى 12 جەمدەۋ الاڭى ىسكە قوسىلادى. ەكى ەت وڭدەۋ زاۋىتىنىڭ قۇرىلىسى باستالادى. ولار قۋاتى سەگىز مىڭ توننا بولاتىن يراندىق «يمپەريا فۋد» كومپانياسى جانە قاراساي اۋدانىندا قۋاتى جىلىنا 10 مىڭ توننا بولاتىن «ءۇمىت» ج ش س.
«ناتيجەسىندە، جىل قورىتىندىسى بويىنشا ەت ءوندىرىسى 14,6 مىڭ تونناعا ارتىپ، 330,4 مىڭ تونناعا جەتتى. ەكسپورتقا ەكى مىڭ توننا جەتكىزىلەدى»، - دەدى ءوڭىر باسشىسى.
اۆتور: مارلان جيەمباي
