15:53, 20 - قازان 2015 | GMT +5
بۇرىن كوپىر رەتىندە پايدالانعان كونتەينەردەن 2 ميلليون دوللار تاۋىپ الدى
استانا. قازاقپارات - كانادا تۇرعىنى ون جىل بۇرىن ساتىپ الىپ، كوپىر رەتىندە پايدالانعان جۇك كونتەينەرىنىڭ ىشىندە ەشتەڭە جوق ەكەنىنە سەنىمدى بولعان.
كۇندەردىڭ كۇنىندە دجون ۋيلسون ونى اشىپ، ىشىنەن قۇنى شامامەن 2 ميلليون دوللار بولاتىن رەاكتيۆتى قوزعالتقىش تاۋىپ الادى.
«cbc.ca» پورتالى جازعانداي، قوزعالتقىشتى تاۋىپ العان كەزدە وعان ەڭ ءبىرىنشى «تۇرمەگە قامايدى» دەگەن وي كەلگەن. ۋيلسون بۇل قوزعالتقىشتار بۇرىن كورولدىك كانادالىق HMCS Athabaskan فلوتىنىڭ كەمەسىنە ورناتىلعانىن ايتادى. 1994 -جىلى جاڭعىرتىلعان كەزدە ەسكى قوزعالتقىشتاردى الىپ تاستاپ، گەرمەتيكالىق كونتەينەرلەرگە ورنالاستىرعان، كەيىننەن، بەلگىسىز سەبەپتەرمەن بوس كونتەينەر رەتىندە ساتىلعان.
دجون وسى كونتەينەرلەردىڭ ءبىرىن نەبارى 400 دوللارعا ساتىپ العان.
كانادا تۇرعىنى ءوزىن قوزعالتقىشتىڭ زاڭدى يەگەرى سانايدى، بۇگىندە قۇنى 2 ميلليون دوللارلىق زاتتى ينتەرنەت-ءباسساۋداعا ساتىلىمعا قويماق.
