كامچاتكادا مي-2 تىكۇشاعى قۇلادى، ەكى ادام قازا تاپقان

استانا. قازاقپارات - رەسەيلىك مي-2 تىكۇشاعىنىڭ كامچاتكادا قاتتى قونۋى سالدارىنان ىشىندە وتىرعان ەكى ادام - ەكيپاج كومانديرى مەن بورتينجەنەر قازا تاپتى، دەپ حابارلايدى ت ا س س اگەنتتىگى رەسەي اۆياتسياسىنا سىلتەمە جاساپ.

تىكۇشاقتىڭ سىنىقتارى تابىلدى، وقيعا ورنىنا رەسەي اۆياتسياسىنىڭ قۇتقارۋ جاساقتارى كەلىپ جەتتى.

اگەنتتىكتىڭ اڭگىمەلەسۋشىسىنىڭ ايتۋىنشا، ۇشۋ "G" كلاسىمەن ورىندالعان، ال ونىڭ جوسپارى الدىن الا اۋە قوزعالىسى باسقارماسىنا جىبەرىلگەن.

ايماقتىڭ قۇقىق قورعاۋ ورگاندارىنان بۇعان دەيىن حابارلانعانداي، تىكۇشاقتىڭ ىشىندە 8 ادامعا دەيىن بولعانى تۋرالى اقپارات راستالمادى. قازا تاپقان ەكى ادامنىڭ مۇردەسى الىندى.