ۇيىنەن 2 تونناعا جۋىق اقشا تابىلعان ەكس-گەنەرال قايتىس بولدى - ق ح ر

بەيجىڭ. قازاقپارات - جەكسەنبى كۇنى ق ح ر ورتالىق اسكەري كەڭەسى ءتوراعاسىنىڭ بۇرىنعى ورىنباسارى شۇي سايحۋ بەيجىڭدەگى گوسپيتالداردىڭ بىرىندە قايتىس بولدى، دەپ حابارلادى قىتايلىق ب ا ق.

2014-جىلدىڭ 15- ناۋرىزىنان باستاپ، 71 جاستاعى شۇي سايحۋدىڭ جۇمىسىندا ونىڭ سىبايلاس جەمقورلىققا قاتىستىلىعى تۋرالى پارتيا تاراپىنان تەكسەرۋ جۇرگىزىلگەن. سول جىلدىڭ ماۋسىم ايىندا ق ك پ ونى پارتيا قاتارىنان شىعارىپ، ءىسىن اسكەري پروكۋراتۋراعا تاپسىرعان. تەرگەۋ بارىسىندا ەكس-گەنەرال پارا الىپ كەلگەنىن مويىندادى. 27- قازاندا اسكەري پروكۋراتۋرا ءىستى سوتقا تاپسىردى. تەرگەۋ امالدارىنىڭ قورىتىندىسىنا سايكەس، ول وزگە ادامداردى «جوعارىلاتۋ» ماقساتىندا ءىرى كولەمدە پارا الىپ تۇرعان.

«فەنحۋان چجوۋكان» شياڭگاڭ اپتالىعىنىڭ مالىمەتىنە سۇيەنسەك، شۇي سايحۋدىڭ ءۇيىن ءتىنتۋ كەزىندە پوليتسيا تونناعا جۋىق دوللار، ەۋرو، يۋان تاپقان. سونىمەن قاتار، ونىڭ ۇيىندەگى 2 مىڭ شارشى مەتر جەرتولەدەن اسىل تاستار تابىلعان. وسىنشاما بايلىقتى الىپ كەتۋ ءۇشىن 10 شاقتى اسكەري جۇك كولىگى شاقىرتىلعان.

سادىق اعجانوۆ