قازاقستان حالقىنىڭ سانى وتكەن جىلمەن سالىستىرعاندا 2 پايىزعا ارتتى
تۋۋدىڭ جالپى كوەففيسيەنتى 1000 ادامعا 23,48 (23,37) تۋىلعانداردى قۇرادى.
بۇل تۋرالى Almaty.tv ءتىلشىسى ستاتيستيكا كوميتەتىنە سىلتەمە جاساي وتىرىپ حابارلايدى.
«قاراستىرىلىپ وتىرعان كەزەڭدە قايتىس بولعاندار سانى 110,6 (115,8) مىڭ ادامدى قۇراپ، 2013 - جىلى قاڭتار- قازانعا قاراعاندا 5,2 مىڭ ادامعا نەمەسە %4,5 ازايدى.
ءولىم-ءجىتىمنىڭ جالپى كوەففيسيەنتى 1000 ادامعا 7,68 (8,16) قايتىس بولعانداردى قۇرادى»، - دەلىنگەن حابارلامادا.
2014 - جىلى قاڭتار- قازاندا رەسپۋبليكا حالقىنىڭ تابيعي ءوسىمى 2013 - جىلى قاڭتار- قازانمەن سالىستىرعاندا 11,7 مىڭ ادامعا نەمەسە %5,4 ارتىپ، 227,6 (215,9) مىڭ ادامدى قۇرادى. تابيعي ءوسىمنىڭ جالپى كوەففيسيەنتى 1000 ادامعا شاققاندا 15,80 (15,21) ادامدى قۇرادى.
«2014 - جىلى قاڭتار- قازاندا رەسپۋبليكادا 1 جاسقا دەيىنگى قايتىس بولعان نارەستە سانى 3334 (3731) ادامدى قۇراپ، 2013 - جىلى سايكەس كەزەڭىمەن سالىستىرعاندا %10,6 ازايدى. وسى كەزەڭدە نارەستە ءولىم-ءجىتىمىنىڭ كوەففيسيەنتى 2013 - جىلعى قاڭتار- قازانمەن سالىستىرعاندا 11,25 پروميللەدەن 9,86 پروميللەگە دەيىن تومەندەدى.
نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2014 - جىلى قاڭتار- قازاندا 1829 (2157) نارەستە قايتىس بولدى، بۇل نارەستەلەر اراسىنداعى ءولىمنىڭ جالپى سانىنىڭ %54,9 (%57,8) قۇرادى.
تۋا بىتكەن اۋىتقۋلاردان قايتىس بولعان نارەستەلەر سانى 680 (674) نەمەسە %20,4 (%18,1)، تىنىس ورگاندارى اۋرۋلارىنان - 236 (251) نەمەسە %7,1 (%6,7) جانە جازاتايىم جاعدايدان، ۋلانۋدان جانە جاراقاتتان - 149 (187) نەمەسە %4,5 (%5,0) ادامدى قۇرادى»، - دەلىنگەن حابارلامادا.
