استانادا «جاسىل ورامداعى» پاتەردىڭ شارشى مەترى 2 مىڭ دوللاردان تومەن بولمايدى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە «سامۇرىق- قازىنا» جىلجىمايتىن مۇلىك قورى» ا ق باسقارما ءتوراعاسى بولات پالىمبەتوۆ مالىمدەدى.
باسقارما ءتوراعاسىنىڭ ايتۋىنا قاراعاندا، 2017 - جىلى اياقتالاتىن «جاسىل ورام» جوباسىنىڭ جالپى قۇنى 44 ميلليارد تەڭگەنى قۇرايدى. ونىڭ جالپى اۋماعى 180 مىڭ شارشى مەتردى الادى. سونىمەن قاتار، ورامداعى ءاربىر نىساننىڭ، ءاربىر عيماراتتىڭ ەكولوگيالىق پاسپورتى بولادى.
«بۇل الەۋمەتتىك باسپانا ەمەس ەكەنىن بىردەن ايتا كەتەيىن. سوسىن بۇل مەيلىنشە قىمبات كەشەنگە اينالادى، ازىرشە شارشى مەترى شامامەن 2 مىڭ دوللاردان كەم بولمايدى دەپ وتىرمىز. دەگەنمەن، ەسكەرتە كەتەيىك، كەيىننەن بۇل تۇرعىن ۇيلەردىڭ باعاسى نەگىزىنەن كوممۋنالدىق قىزمەتتەر ەسەبىنەن تومەندەپ جاتادى، ويتكەنى، ونىڭ بارىسىنا جاڭا تەحنولوگيالار قولدانىلادى»، - دەدى ب. پالىمبەتوۆ.
بۇل رەتتە باسقارما ءتوراعاسى «جاسىل ورام» حالىقارالىق «ەكسپو-2017» كورمەسى قارساڭىندا بوي كوتەرىپ، استانانىڭ كوركىن ودان سايىن ارتتىرا تۇسەتىندىگىن ايتتى.
«ەكسپو قارساڭىندا بارشا قازاقستاندىق بۇل ءۇيدى كورە الادى دەپ سەندىرەمىن. جالپى، مەملەكەت «جاسىل ورام» جوباسىنىڭ قۇرىلىسىن قولداپ وتىر، ءبىز دە ونىڭ ارزان بولمايتىنىن تۇسىندىك. دەگەنمەن، وسى ارقىلى ءبىز قۇرىلىس سالاسىندا جاڭا ەكولوگيالىق، حالىقارالىق ستاندارتتارعا كوشۋگە سەرپىن بەرگىمىز كەلەدى. ال جاڭا تەحنولوگيالاردىڭ ارزان بولمايتىنىن كوپشىلىك بىلەدى، ەڭ باستىسى ءبىز قۇرىلىس سالاسىنا جاڭا ەكولوگيالىق تەحنولوگيانى ەنگىزۋگە مىندەتتىمىز»، - دەدى ول.
اۆتور: قانات مامەتقازى ۇلى
