الداعى ءۇش كۇندە ەلدىڭ باسىم بولىگىندە 29 گرادۋسقا دەيىن اياز تۇسەدى

استانا. قازاقپارات - سينوپتيكتەردىڭ بولجامىنشا، قازاقستاندا الداعى ءۇش كۇندە 20-29 گرادۋسقا دەيىن اياز بولادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

سينوپتيكتەردىڭ مالىمەتىنشە، سامارا اۋداندارىنان جىلجىعان سيكلون جىراسىمەن رەسپۋبليكانىڭ باسىم بولىگىندە قار جاۋادى دەپ بولجانۋدا، باتىس جانە وڭتۇستىكتە جاۋىن-شاشىن (جاڭبىر، قار) تۇرىندە، 25- قاراشادا سولتۇستىكتە، 26- قاراشادا شىعىستا قاتتى قار جاۋۋى ىقتيمال.

«رەسپۋبليكا بويىنشا جەلدىڭ كۇشەيۋى، تۇمان، سولتۇستىك، شىعىس، ورتالىقتا بۇرقاسىن بولادى دەپ كۇتىلۋدە. كەزەڭنىڭ سوڭىندا سالەحارد اۋداندارىنان سولتۇستىك سۋىق انتيتسيكلوننىڭ ەنۋىمەن رەسپۋبليكانىڭ كوپ بولىگىندە جاۋىن-شاشىن توقتاپ، سولتۇستىك، شىعىس جانە ورتالىقتا اۋا تەمپەراتۋراسى تۇندە جانە كۇندىز 20-29 ايازعا دەيىن كۇرت تومەندەيدى دەپ بولجانۋدا» دەلىنگەن حابارلامادا.