قازگيدرومەت: 29-ناۋرىز كۇنى جەل كۇشەيىپ، وڭتۇستىكتە بۇرشاق جاۋۋى مۇمكىن
قازاقستاننىڭ باسىم اۋماعىندا اتموسفەرالىق فرونتتاردىڭ وتۋىنە بايلانىستى جاۋىن-شاشىن جاۋادى، وڭتۇستىكتىڭ كەي جەرلەرىندە نوسەر جاڭبىر كۇتىلەدى. تەك رەسپۋبليكانىڭ وڭتۇستىك-شىعىسىندا كۇن اشىق بولادى. كەي ايماقتاردا تۇمان ءتۇسىپ، كوكتايعاق بولۋى ىقتيمال. جەل كۇشەيەدى. وڭتۇستىكتە نايزاعاي جارقىلداپ، داۋىل سوعادى. بۇرشاق جاۋۋى مۇمكىن.
سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق كۇتىلەدى، تۇندە وبلىستىڭ باسىم بولىگىندە جەل 15-20، كەي جەرلەردە 25 م/س جىلدامدىقپەن سوعادى. كۇندىز كەي جەرلەردە جەل ەكپىنى 15-20 م/س جەتەدى.
قىزىلوردا وبلىسىندا تۇمان، شاڭدى داۋىل كۇتىلەدى، جەل 15-20 م/س دەيىن كۇشەيەدى. تۇندە كەي جەرلەردە نايزاعاي، داۋىل كۇتىلەدى.
جامبىل وبلىسىنىڭ كەي جەرلەرىندە تۇمان ءتۇسىپ، نايزاعاي جارقىلدايدى. كۇندىز كەي جەرلەردە جەل ەكپىنى 15-20 م/س بولادى.
تۇركىستان وبلىسىندا تاڭەرتەڭ جانە كۇندىز نايزاعاي جارقىلدايدى، جەل قارقىنى 15-20 م/س دەيىن كۇشەيەدى.
اقمولا، قاراعاندى، قوستاناي وبلىستارىنىڭ كەي جەرلەرىندە تۇمان تۇسەدى، جەل جىلدامدىعى 15-20 م/س دەيىن جەتەدى. قوستاناي وبلىسىنىڭ كەي جەرلەرىندە كوكتايعاق كۇتىلەدى.
شىعىس قازاقستان مەن كۇندىز اقتوبە وبلىسىنىڭ كەي جەرلەرىندە جەل 15-20 م/س دەيىن كۇشەيۋى مۇمكىن.
الماتى وبلىسىنىڭ جالاڭاشكول اۋدانىندا جەل ەكپىنى 15-20 م/س بولادى.
پاۆلودار، ماڭعىستاۋ وبىلستارىندا، تۇندە باتىس قازاقستان وبلىسىنىڭ كەي جەرلەرىندە تۇمان كۇتىلەدى. باتىس قازاقستان وبلىسىنىڭ كەي جەرلەرىندە تۇندە كوكتايعاق بولۋى ىقتيمال.
