قانات يسلامنىڭ 29 - قازان كۇنى كيىپ شىعاتىن شاپانىنىڭ ۇلگىسى بەلگىلى بولدى -فوتو
بۇل تۋرالى بوكسشىنىڭ «facebook» جەلىسىندەگى پاراقشاسى حابارلادى.
- قانات يسلامنىڭ جەكپە- جەككە كيىپ شىعاتىن كيىمىنىڭ ديزاينى بەلگىلى بولدى. 29 - قازاندا الماتىدا وتەتىن جەكپە- جەكتە قانات يسلام جانە ونىڭ كومانداسى ءدال وسى ۇلگىدەگى كيىمدى كيىپ شىعاتىن بولادى، - دەلىنگەن.
ايتا كەتەيىك، قازاقستاندىق بوكسشى گانالىققا قارسى ورتا سالماقتا «WBA Fedelatin» چەمپيوندىق بەلبەۋىن قورعايتىن بولادى. سونداي- اق، «WBO» (الەمدىك بوكس ۇيىمى) تۇجىرىمى بويىنشا قۇرلىقارالىق چەمپيون جانە حالىقارالىق بوكس ۇيىمى تۇجىرىمى بويىنشا حالىقارالىق چەمپيون اتاعىنا تالاسادى.
ءبىرىنشى ورتا سالماقتا «WBA Fedelatin» اتاعىنا يە قانات يسلام وسى ۋاقىتقا دەيىن 21 كەزدەسۋ وتكىزىپ، بارلىعىندا جەڭىسكە جەتكەن. ونىڭ 18 ءىن نوكاۋتپەن ۇتقان.
پاتريك اللوتەي دە تاجىريبەلى بوكسشى. وسىعان دەيىن كاسىپقوي شارشى الاڭدا 36 جەكپە- جەك وتكىزگەن. ونىڭ 34 ىندە قارسىلاستارىنان باسىم تۇسكەن. ونىڭ 24 ىندە قارسىلاستارىن نوكاۋتپەن ۇتسا، 2 جەكپە- جەگىندە عانا قارسىلاستارىنا ەسە جىبەرگەن. سوڭعى رەت 24 - ماۋسىم كۇنى شارشى الاڭعا شىعىپ، وتانداسى ساني يدانانى جەڭگەن. جەكپە- جەكتەرىنىڭ بارلىعىن دەرلىك گانادا وتكىزگەن. ءۇش كەزدەسۋى عانا وزگە ەلدە وتكەن. كاسىپقوي بوكستا «ۋلى جەبە» دەگەن لاقاپ اتقا يە.
الماتىداعى بوكس كەشىندە قانات يسلامنان وزگە جانقوش تۇراروۆ، رۋسلان مىرساتايەۆ، الي احمەتوۆ، ايدار شارىبايەۆ پەن ايدوس ەربوسىن ۇلى شارشى الاڭعا شىعادى. سونداي- اق، جانىبەك ءالىمحان ۇلى كاسىپقوي بوكستاعى العاشقى جەكپە- جەگىن وتكىزەدى.
