بيىل قۇرمانعازى اتىنداعى قازاق ۇلتتىق كونسەرۆاتورياسىن 29 تۇلەك قىزىل ديپلوممەن ءتامامدادى
ولاردىڭ اراسىندا 17 جاستاعى سازگەر ءارى پيانيست راحات-بي ءابدىساعىن دا بار. راحات-بي ءابدىساعىن بىرنەشە مارتە حالىقارالىق بايقاۋلار مەن فەستيۆالدەردىڭ جەڭىمپازى. شەت ەلدەردە قازاق ونەرىن پاش ەتىپ جۇرگەن دارىندى جاس. تۋما تالانت يەسى 17 جاسىندا يتالياداعى سانتا- چەچيليا مۋزىكا اكادەمياسى مەن قازاق ۇلتتىق كونسەرۆاتورياسىن قاتار وقىپ ءبىتىرىپ وتىر.
راحات-بي ءابدىساعىن، قۇرمانعازى اتىنداعى قازاق ۇلتتىق كونسەرۆاتوريا تۇلەگى:
- قازىرگى زاماندا جاڭا قازاقستاندا ەلباسىمىزدىڭ ساليقالى ساياساتىنىڭ ارقاسىندا جاستارعا بارلىق مۇمكىنشىلىكتەر بار. ءبىز كەز- كەلگەن ساپالى وقۋ ورنىنا تۇسە الامىز. بۇل جەردە ءبىز كومپوزيتور رەتىندە ءوزىمىزدىڭ نەگىزىمىزدى قالادىق.
ول بار-جوعى 13 جاسىندا كونسەرۆاتوريانىڭ ءبىرىنشى كۋرس ستۋدەنتى اتانعان. ال 16 جاسىندا مۋزىكا جازۋدىڭ تەورياسى جونىندە باكالاۆر باعدارلاماسىن مەڭگەرىپ ۇلگەردى. ويتكەنى راحات-بي مۋزىكا مەكتەبىنىڭ 5 -سىنىبىندا وقىپ ءجۇرىپ-اق كونسەرۆاتوريا پروفەسسورلارىنان ءتالىم الىپ ءجۇرىپتى.
ايمان بەردىباي، قۇرمانعازى اتىنداعى ۇلتتىق كونسەرۆاتورياسىنىڭ كافەدرا مەڭگەرۋشىسى:
- راحات-بي تەك قانا كومپوزيتسيا سالاسىندا عانا ەمەس، پيانيست رەتىندە دە بەلگىلى ورىنداۋشى. عىلىممەن اينالىساتىن وتە ىزدەنىمپاز جاس بولدى. «پەتروگليف» دەگەن شىعارماسى وسى ديپلوم جۇمىسىن جازعان شىعارماسى قازاقتىڭ كەڭىستىكتىك ويلاۋ جۇيەسىنە بايلانىستى سونداي ۇلكەن فيلوسوفيالىق تاقىرىپقا ارنالعان.
ەلىمىزدە دارىندى جاستار وتە كوپ. تەك ولارعا دۇرىس باعىت بەرىپ، قولداۋ كەرەك. مۇندا وقۋعا كەلگەندە كوبىسىنىڭ دايىندىعى جوق، ال 4-5 جىلدا العان تەوريالىق بىلىمىمەن قاتار ونەرى شىڭدالىپ، الەمگە تانىمال جۇلدىزدار دەڭگەيىنە دەيىن وسەدى، - دەيدى كونسەرۆاتوريا رەكتورى.
جانيا اۋباكىروۆا، قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى:
- بۇگىن كونسەرۆاتوريادا مەيرام. كونسەرۆاتوريا بىتىرۋشىلەر مەملەكەتتىك ەمتيحان تاپسىرىپ، ديپلوم الىپ جاتىر. سولاردىڭ اراسىندا كوپ دارىندى جاستار بار. سولاردىڭ ىشىندە ەرەكشە راحات-بي تۋرالى ايتقىم كەلەدى. كونسەرۆاتوريا تاريحىندا ءبىرىنشى رەت 17 جاستاعى بالا كونسەرۆاتوريانى بىتىرەدى. ءبىز ويلايمىز، راحات- ءبيدىڭ بولاشاعى زور. مەن ويلايمىن، ءبىزدىڭ تۇلەكتەر ءبىزدىڭ قوعامعا، ءبىزدىڭ بولاشاققا كوپ ۇلەس قوسادى دەپ سوعان كامىل سەنەمىن.
بۇگىندە راحات-بي ءابدىساعىن شەتەلدەردە قازىرگى مۋزىكا ونەرى جايلى ءدارىس وقىپ ءجۇر. ول كۇيساندىقتا شەبەر ويناۋمەن قاتار عىلىممەن دە اينالىسۋدا.
www.24.kz
