قىزىلوردا وبلىسىندا توتەنشە وقيعادان 29 ادام قازا بولعان
كەڭەيتىلگەن جينالىسقا ت ج د باستىعىنىڭ مىندەتىن اتقارۋشى پولكوۆنيك مۇرات كەلەسوۆ ءتوراعالىق ەتىپ، اتقارىلعان جۇمىستار تۋراسىندا بايانداما جاسادى.
تالداۋ كورسەتكەندەي، قىزىلوردا وبلىسى اۋماعىندا 2014 - جىلدىڭ I جارتى جىلدىعىندا تىركەلگەن توتەنشە جاعدايلار سانى 304 تى قۇراپ، 43 توتەنشە وقيعا ورىن العان. قىزىلوردا وبلىسى ت ج د باسپا ءسوز قىزمەتىنىڭ حابارلاۋىنشا، توتەنشە جاعدايلار كەزىندە 101 ادام زارداپ شەگىپ، 29 ادام قازا بولعان.
ەسەپتى مەرزىمدە ونەركاسىپتىك 75 كاسىپورىن جانە 398 نىسان تەكسەرىلگەن، 719 تەحنيكا قاۋىپسىزدىگى ەرەجەسى مەن نورماسىنىڭ بۇزىلۋى انىقتالعان. ونىڭ 601 ى بەلگىلەنگەن مەرزىمدە قايتا قالپىنا كەلتىرىلگەن.
ءورت قاۋىپسىزدىگىن ساقتاۋ ماقساتىندا ەسەپتى مەرزىمدە وبلىس بويىنشا ءار ءتۇرلى باعىتتاعى 501 نىسان تەكسەرىلدى، سونداي-اق، 27620 تۇرعىنعا پروفيلاكتيكالىق ۇگىت-ناسيحاتتىق جۇمىستار جۇرگىزىلدى.
سونىمەن قاتار، اتالمىش جينالىسقا دەپارتامەنتتىڭ ءبىرقاتار ءبولىم، باسقارما، دەپارتامەنتتىڭ قۇرىلىمدىق بولىمشەلەرىنىڭ باسشىلارى قاتىسىپ، اتقارىلىپ جاتقان جۇمىستار جونىندە ەسەپ بەردى.
اۆتور: ەلۋباي اۋەزوۆ
