21:40, 15 - مامىر 2023 | GMT +6
تۇركيادا 28- مامىردا پرەزيدەنت سايلاۋىنىڭ ەكىنشى كەزەڭى وتەدى
انكارا. انادولى - قازاقپارات - تۇركيادا پرەزيدەنت سايلاۋىنىڭ ەكىنشى كەزەڭى 28- مامىردا وتەدى. بۇل تۋرالى ەلدىڭ ورتالىق سايلاۋ كوميسسياسىنىڭ ءتوراعاسى احمەت يەنەر ءمالىم ەتتى، دەپ حابارلايدى قازاقپارات انادولىعا سىلتەمە جاساپ.
ەسكە سالايىق، جەكسەنبى، 14- مامىر كۇنى تۇركيادا پارلامەنت جانە پرەزيدەنت سايلاۋى ءوتتى.
وسى ۋاقىتقا دەيىن بيۋللەتەندەردىڭ 99,38 پايىز سانالدى. ناتيجەسىندە رەجەپ تاييپ ەردوعان 49,42 پايىز داۋىس جيناسا، رەسپۋبليكالىق حالىق پارتياسىنان كانديدات كەمال كىلىچداروگلۋ 44,95 پايىز داۋىس يەلەنگەن. پرەزيدەنتتىككە ءۇشىنشى ۇمىتكەر، «اتا» ساياسي اليانسىنىڭ وكىلى سينان وگان سايلاۋشىلاردىڭ 5,20 پايىز داۋىسىنا يە بولعان.
سايلاۋعا قاتىسۋ - 87,21 پايىز.