28- ناۋرىز. قازاقپارات كۇنتىزبەسى
ەستە قالار وقيعالار
1920 -جىلى سەمەي قالاسىندا شىعىس قازاقستان وبلىسىنىڭ جاڭا تاريحىنىڭ قۇجاتتاما ورتالىعى قۇرىلدى.
1994 -جىلى قازاقستان رەسپۋبليكاسىنىڭ پرەزيدەنتى ن. نازاربايەۆ رەسەي فەدەراتسياسىنا العاش رەت رەسمي ساپارمەن باردى. كرەملدە قازاقستان- رەسەي كەلىسسوزىنىڭ قورىتىندىسى بويىنشا ساياسي، ەكونوميكالىق، اسكەري جانە گۋمانيتارلىق سالالارداعى ىنتىماقتاستىققا قاتىستى 23 قۇجاتقا قول قويىلدى.
2000 -جىلى شاكەن ايمانوۆ اتىنداعى قازاق كينوفابريكاسى، ق ر ۇلتتىق پروديۋسەرلىك ورتالىعى، قازكينوپروكات جانە مەملەكەتتىك فيلمدەر قورى شاكەن ايمانوۆ اتىنداعى «قازاقفيلم» ۇلتتىق كومپانياسى» رم ق ك- نا بىرىكتىرىلۋ جولىمەن قايتا قۇرىلدى.
2003 -جىلى قۇنى $160 ميلليون، ۇزىندىعى 448,8 شاقىرىم جانە باستاپقى جىلدىق قۋاتى 6 ميلليون توننا «كەڭقياق- اتىراۋ» مۇناي قۇبىرىنىڭ ءبىرىنشى كەزەڭى رەسمي تۇردە اشىلدى. اكسياسىنىڭ %51 «قازمۇنايگاز» كومپانياسىنا، ال % 49 - CNPC كومپانياسىنا تيەسىلى.
2007 -جىلى پەتروپاۆلدا «ماعجان» ادەبي- كوركەم جۋرنالىنىڭ ءبىرىنشى سانى جارىق كوردى. اتالمىش بۇقارالىق باسىلىمدا اقىننىڭ ءتۇرلى جانرداعى قازاق جانە ورىس تىلىندەگى تۋىندىلارى جاريالانعان. جاڭا باسىلىمنىڭ باستى ماقساتى - قازاق پوەزياسىنىڭ دامۋىنا قوماقتى ۇلەس قوسقان، ازاماتتىق پەن وتانسۇيگىشتىكتىڭ ۇزدىك قاسيەتتەرىن كورسەتە بىلگەن قازاق اقىنى ماعجان جۇمابايەۆتىڭ شىعارماشىلىعىن كوپشىلىككە پاش ەتۋ. جۋرنالدىڭ العاشقى نومىرىندە ماعجاننىڭ تۋىندىلارى، اقىنعا ارنالعان ولەڭدەر مەن ەسسەلەر جاريالانعان.
2017 -جىلى قازاقستاندىق دينارا ءسادۋاقاسوۆا شاحماتتان ۆەتنامدا ايەلدەر اراسىندا وتكەن 21 ەلدىڭ 103 شاحماتشىسى قاتىسقان حالىقارالىق جارىستا ءبىرىنشى ورىندى يەلەندى.
2017 -جىلى لوندوندا قازاقستاندىق ستۋدەنتتەر ورتالىق ازيا ەلدەرىنىڭ «ناۋرىز» فەستيۆالى اياسىندا قازاقستان مادەنيەتىن كورسەتتى. شاراعا قازاقستان، ازەربايجان، تۇرىكمەنستان، قىرعىزستان، اۋعانستان، تاجىكستان، يران، تۇركيا، قىتاي، تاتارستان، وزبەكستان وكىلدەرى قاتىستى.
2017 -جىلى «استانا» حالىقارالىق قارجى ورتالىعى (ا ح ق و) حالىقارالىق قارجى ورتالىقتارىنىڭ ەكسكليۋزيۆتى بىرلەستىگىنىڭ (Vantage Financial Centres) قۇرامىنا كىردى. Vantage Financial Centres بىرلەستىگىنە توكيو، تورونتو، شانحاي، بەيجىڭ جانە ءابۋ- دابي سياقتى تانىمال حالىقارالىق قارجى ورتالىقتارى كىرەدى.
2019 -جىلى قازاقستاندىق پروكاتقا رەجيسسەر ەمير ءبايعازيننىڭ «رەكا» فيلمى شىقتى، ونىڭ الەمدىك پرەمەراسى 75- ۆەنەتسياندىق كينوفەستيۆالدە ءوتتى.
2019 -جىلى قوستانايلىق جەڭىل اتلەت سەرگەي پوليكارپوۆ پولشانىڭ تورۋن قالاسىندا وتكەن سپورت شەبەرلەرى (ارداگەرلەر) اراسىندا جەڭىل اتلەتيكادان الەم چەمپيوناتىندا 3 مىڭ مەترگە جۇگىرۋدەن جاڭا الەمدىك رەكورد ورناتتى. قازاقستاننىڭ ارداگەر سپورتشىسى قاشىقتىقتى 9 مينۋت 43.11 سەكۋندتا باعىندىرىپ، الەمدىك رەكورد جاسادى.
