ەلباسى توراعالىعىمەن ق ر پرەزيدەنتى جانىنداعى شەتەل ينۆەستورلارىنىڭ 28 -كەڭەسى باستالدى
جيىن بارىسىندا كەڭەسكە قاتىسۋشىلار قازاقستاننىڭ اگرارلىق سالاسىنىڭ دامۋ الەۋەتى مەن باسىم باعىتتارىن، اگروونەركاسىپ كەشەنىنە الدىڭعى قاتارلى تەحنيكانى ەنگىزۋ مۇمكىندىكتەرىن جانە سالانىڭ ينۆەستيتسيالىق تارتىمدىلىعىن ارتتىرۋ ۇسىنىستارىن تالقىلايدى. ەلىمىزدىڭ اۋىل شارۋاشىلىعىن دامىتۋ مۇمكىنشىلىكتەرى جايىندا Metro Cash and Carry, Baker and McKenzie International, Philip Morris International, Citigroup, Deloitte, CIS، Deutsche Bank AG، EY كومپانيالارىنىڭ وكىلدەرى ءسوز سويلەيدى دەپ كۇتىلۋدە.
كەڭەستە ەلباسىنا ترانس ۇلتتىق كومپانيالاردى تارتۋ ارقىلى جۇزەگە اسىرىلاتىن اۋىل شارۋاشىلىعى ونىمدەرىن وڭدەۋ جانە قايتا وڭدەۋ سالاسىنداعى 15 باسىمدىقتى جوبا كورسەتىلەدى.
ايتا كەتەرلىگى، تاۋەلسىزدىك سارايىندا «قازاقستاننىڭ اگروونەركاسىپ كەشەنى جەتىستىكتەرىنىڭ كورمەسى» ۇيىمداستىرىلعان. ال ساراي الدىنداعى الاڭدا وتاندىق اۋىل شارۋاشىلىعى تەحنيكاسىنىڭ كورمەسى وتۋدە. وندا وتاندىق سەماز جانە اگروماشحولدينگ كومپانيالارىندا ۇيىمداستىرىلعان تەحنيكالارمەن قاتار قازاقستاندا شىعارىلۋى جوسپارلانىپ وتىرعان شەتەلدىك اۋىل شارۋاشىلىعى تەحنيكالارى دا بار.
اۆتور: مارلان جيەمباي