استانادا اۋىستىرۋدى تالاپ ەتەتىن 280 نەن استام ليفتى بار
بۇل تۋرالى اشىق تالقىعا شىعارىلعان «استانا قالاسىنىڭ تۇرعىن ءۇي قورىن رەنوۆاتسيالاۋ جانە مودەرنيزاتسيالاۋدىڭ 2028 -جىلعا دەيىنگى مەملەكەتتىك باعدارلاماسىندا» جازىلعان، دەپ حابارلايدى قازاقپارات ءتىلشىسى.
قازىرگى كەزدە ەلوردا اۋماعىندا 3309 كوپپاتەرلى تۇرعىن ءۇي بار. مەملەكەتتىك باعدارلامالاردى ىسكە اسىرۋ شەڭبەرىندە 2011 -جىلدان باستاپ ونىڭ 202 سى جوندەلدى، 175 كوپ پاتەرلى تۇرعىن ءۇي كۇردەلى جوندەۋدى قاجەت ەتەدى. سونداي-اق، استانا قالاسى بويىنشا 10324 ليفت جۇمىس ىستەيدى. ونىڭ ىشىندە 272 ليفت اۋىستىرىلدى. بۇگىنگى كۇنى 288 ليفتىنى اۋىستىرۋ تالاپ ەتىلەدى، - دەپ ماسەلە كوتەرىلگەن اشىق ن ق ا پورتالىندا جاريالانعان قۇجاتتا.
قوسا كەتسەك، بۇعان دەيىن ەلورداداعى تۇرعىن ءۇي قورىن رەنوۆاتسيالاۋ جانە مودەرنيزاتسيالاۋ باعدارلاماسى اياسىندا باس شاھاردىڭ بىرنەشە اۋدانىنداعى ۇيلەردى تاياۋ ارادا ءسۇرۋ جوسپارلانعانىن جازىپ ەدىك.
