تالدىقورعاندا جىلۋ قازاندىعى جارىلىپ، 280 نىسان جىلۋسىز قالدى

تالدىقورعان. قازاقپارات - تالدىقورعان جىلۋ قازاندىعى جارىلىپ، 280 ابونەنت جىلۋسىز قالدى، دەپ حابارلايدى قازاقپارات ءتىلشىسى.

وقيعا قالاداعى ەكىنشى ىقشام اۋداندا ورنالاسقان N1 -جىلۋ قازاندىعىندا بولعان.

«280 ابونەنت جىلۋسىز قالدى. ونىڭ ىشىندە جەكە جانە كوپقاباتتى ۇيلەر، بيزنەس نىساندارى - ءبارى بار. جارتى ساعاتتىڭ ىشىندە رەزەرۆتە تۇرعان قازاندىق ىسكە قوسىلادى»، - دەدى تالدىقورعان قالاسى اكىمىنىڭ باسپا ءسوز حاتشىسى مادي شاكەنوۆ.

قازىر تالدىقورعاندا اۋا تەمپەراتۋراسى 11- گرادۋس ايازدى كورسەتىپ تۇر.

«جىلۋ قازاندىعىنداعى اپاتتىڭ ءمان-جايى انىقتالىپ جاتىر. زارداپ شەككەندەر جوق»، - دەدى مادي شاكەنوۆ.