شەكارا قىزمەتى سەرىك كۇدەبايەۆتىڭ ەلدەن قاشىپ كەتكەنىن 27-ناۋرىزدا بىلگەن

استانا. قازاقپارات - سەرىك كۇدەبايەۆ مەملەكەتتىك شەكارانى رەسمي وتكىزۋ پۋنكتتەرى ارقىلى كەسىپ وتكەن جوق.

بۇل تۋرالى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى - شەكارا قىزمەتىنىڭ ديرەكتورى ەرلان الداجۇمانوۆ ايتتى، دەپ حابارلايدى قازاقپارات.

«سەرىك كۇدەبايەۆ مەملەكەتتىك شەكارانى رەسمي وتكىزۋ پۋنكتەرى ارقىلى كەسىپ وتكەن جوق. «كۇدىكتى مەملەكەتتىك شەكارانى زاڭسىز كەسىپ، قىرعىز ەلىنە ءوتتى جانە ول جاقتان ءۇشىنشى ەلگە كەتىپ قالدى» دەگەن اقپاراتتىڭ تۇسۋىنە بايلانىستى شەكاراشىلار مەملەكەتتىك شەكارانى زاڭسىز كەسۋى مۇمكىن جەردى انىقتاۋ ءۇشىن قىزمەتتىك تەكسەرۋ جۇرگىزىپ جاتىر. بۇل جۇمىسقا كورشى ەل دە قوسىلدى. قىرعىز رەسپۋبليكاسىنىڭ شەكارا قىزمەتىنە رەسمي ساۋال جىبەرىلدى. مەنىڭشە، قازىرگى ۋاقىتتا ءبىر نارسە ايتۋعا ەرتە. جۇرگىزىلىپ جاتقان تەكسەرۋدىڭ اياقتالۋىن كۇتۋ قاجەت»، - دەدى ەرلان الداجۇمانوۆ ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.

سونىمەن قاتار ول شەكارا قىزمەتى سەرىك كۇدەبايەۆتىڭ ەلدەن قاشىن كەتكەنىن 27-ناۋرىزدا بىلگەنىن اتاپ ءوتتى.

ەسكە سالا كەتەيىك، 3-ساۋىردە سەرىك كۇدەبايەۆقا حالىقارالىق ىزدەۋ جاريالانعان بولاتىن.

اۆتور

مارلان جيەمباي