ب ا ق تۋرالى زاڭ جوباسى 27- قاڭتارعا دەيىن قوعام تالقىلاۋىندا بولادى

استانا. قازاقپارات - «اشىق ن ق ا» پورتالىندا «ماسس-مەديا تۋرالى» ق ر زاڭى جوباسىنىڭ تۇجىرىمداماسى تالقىلانىپ جاتىر، دەپ حابارلايدى قازاقپارات ءتىلشىسى.

قۇجاتتاعى ب ا ق وكىلدەرى ءۇشىن جاعىمدى تۇستىڭ ءبىرى - جۋرناليستەر جولداعان جاۋاپقا مەملەكەتتىك ورگانداردىڭ جاۋاپ بەرۋ مەرزىمىن قىسقارتۋ كوزدەلگەن. قولدانىستاعى نورمادا ول 7 كۇن بولسا، ۇسىنىلعان قۇجاتتا 5 كۇن دەپ كورسەتىلگەن.

سونداي-اق الەۋمەتتىك جەلى مەن مەسسەندجەرلەر ارقىلى اقپارات تاراتاتىن رەسۋرستاردى ب ا ق رەتىندە تىركەۋدىڭ تارتىپتەرى جاڭارۋى مۇمكىن.

بۇدان بولەك، مەملەكەتتىڭ اقپارات ساياساتىن گرانتتار ارقىلى قارجىلاندىرۋ ۇسىنىلعان.

«قولدانىستاعى زاڭ 1999-جىلى ازىرلەنگەن جانە وندا بەكىتىلگەن ءبىرقاتار انىقتامالار وزەكتىلىگىن جوعالتتى. ۇسىنىلىپ وتىرعان جاڭالىقتار ەنگىزىلگەن قۇقىقتىق قاتىناستاردىڭ قانداي دا ءبىر تۇرلەرىن رەتتەۋ نىساناسىن تولىق كولەمدە كورسەتۋگە مۇمكىندىك بەرەتىن «مەملەكەتتىك بۇقارالىق اقپارات قۇرالى»، «مەملەكەتتىك اقپاراتتىق ساياسات»، «ماسس-مەديا»، «گرانت»، «سۋبسيديا»، «كوررەسپوندەنتتىك پۋنكت»، «جۋرناليستەردىڭ قۇقىقتارى تۋرالى ۇلتتىق بايانداما» سياقتى جاڭا ۇعىمداردى ەنگىزۋدى تالاپ ەتەدى»، - دەپ جازىلعان زاڭ جوباسىنىڭ تۇجىرىمداماسىندا.

سونىمەن قاتار:

- ينتەرنەت جەلىسىنىڭ جاپپاي دامۋىمەن جۋرناليستەر جاريالاعان اقپارات ءىس جۇزىندە شەكتەۋسىز مەرزىمگە ساقتاۋ؛

- جۋرناليستىڭ كاسىبي قىزمەتىنە كەدەرگى كەلتىرۋ جونىندەگى نورمانى ءىشىنارا قىلمىسسىزداندىرۋ؛

- پاندەميا جانە توتەنشە جاعداي رەجيمىن ەنگىزۋ كەزەڭىندە جۋرناليستەر دارىگەرلەرمەن، پوليتسەيلەرمەن جانە قۇتقارۋشىلارمەن تەڭ دارەجەدە وزدەرىنىڭ كاسىبي بورىشىن وتەۋ بارىسىندا جۋرناليستەر قىزمەتىن ەرەكشە جاعدايلاردا قۇقىقتىق رەتتەۋ؛

- جۋرناليستەردىڭ قۇقىعىن ساقتاۋدى مونيتورينگىلەۋ مەن تالداۋدىڭ زاڭنامالىق تەتىكتەرىن بەكىتۋ؛

- جۋرناليست ميسسياسىن ءتيىمدى جۇزەگە اسىرۋعا ىقپال ەتەتىن جەڭىلدىكتەر مەن كەپىلدىكتەردى قورعاۋدىڭ جانە ۇسىنۋدىڭ پارمەندى تەتىكتەرىمەن قامتاماسىز ەتۋ ۇسىنىلادى.

قۇجات 27- قاڭتارعا دەيىن كوپشىلىك تالقىلاۋىنا ۇسىنىلادى.