استانادا 27 ەلدىڭ باسشىلارىنىڭ باسىن قوسقان سامميت وتەدى
بۇل تۋرالى ا ءو س ش ك حاتشىلىعىنىڭ اتقارۋشى ديرەكتورى قايرات سارىباي ايتتى، دەپ حابارلايدى قازاقپارات ءتىلشىسى.
«12-13- قازاندا قازاقستان ەلورداسى 27 مۇشە ەلدىڭ مەملەكەت جانە ۇكىمەت باسشىلارىن قابىلدايدى. بۇل جەردە ولار ا ءو س ش ك- ءنى تولىققاندى حالىقارالىق ايماقتىق ۇيىمعا اينالدىرۋ قادامدارىن ىسكە قوسادى. بۇل تۇرعىدا مۇشە مەملەكەتتەردىڭ ءبىزدىڭ جۇمىسىمىزدىڭ وزەكتىلىگىن، ماقساتتارىمىز بەن مىندەتتەرىمىزدىڭ ماڭىزدىلىعىن ءتۇسىنۋىنىڭ ارقاسىندا مۇمكىن بولىپ وتىر. وسىنداي ورتاق پايىمنىڭ جۇزەگە اساتىنىنا وتە قۋانىشتىمىز. ارينە، ترانسفورماتسيانىڭ قالاي جۇزەگە اساتىنى تۇرعىسىندا ءتۇرلى كوزقاراس بار. كەز كەلگەن ترانسفورماتسيا سامميتتە جاسالاتىن العاشقى قادامنان باستالۋى كەرەك»، - دەدى ق. سارىباي ەلوردادا ءوتىپ جاتقان زاڭسىز كوشى- قونعا جول بەرمەۋ تاقىرىبىنا ارنالعان سەميناردا.
ونىڭ ايتۋىنشا، ا ءو س ش ك- ءنىڭ بارلىق 27 مۇشەسىنىڭ ءبىراۋىزدان قولداۋىنىڭ ارقاسىندا كونتينەنتتە بەيبىتشىلىك پەن قاۋىپسىزدىكتى ىلگەرىلەتۋ جونىندەگى سەنىم شارالارى كاتالوگىن ايتارلىقتاي جاڭارتۋ مۇمكىن بولدى. بۇل ءوز كەزەگىندە ا ءو س ش ك ماقساتتارىن ورىنداۋدىڭ نەگىزگى قۇرالى بولىپ سانالادى.
بۇدان بۇرىن حابارلانعانداي، بيىل قىركۇيەك ايىندا پرەزيدەنت قاسىم- جومارت توقايەۆ ازياداعى ءوزارا ءىس- قيمىل جانە سەنىم شارالارى جونىندەگى كەڭەس حاتشىلىعىنىڭ اتقارۋشى ديرەكتورى قايرات سارىبايدى قابىلدادى.
ا ءو س ش ك حاتشىلىعىنىڭ اتقارۋشى ديرەكتورى مەملەكەت باسشىسىنا الداعى سامميتتىڭ قورىتىندى قۇجاتتارىنىڭ جوبالارىن كەلىسۋ ۇدەرىسى تۋرالى باياندادى. سونىمەن قاتار پرەزيدەنتكە ا ءو س ش ك- ءنى تولىققاندى حالىقارالىق ۇيىمعا اينالدىرۋ جوسپارى جونىندە مالىمەت بەرىلدى. بۇل ماڭىزدى مىندەتتى جۇزەگە اسىرۋ - قازاقستاننىڭ ستراتەگيالىق ماقساتى.
اۆتور
رۋسلان عابباسوۆ
