يراندا سۋ تاسقىنىنا بايلانىستى 27 كەنتتىڭ حالقى باسقا جەرگە كوشىرىلدى

None
None
احۆاز. قازاقپارات - يراننىڭ حۋزەستان پروۆينتسياسىنىڭ گۋبەرناتورى گولامرەزا شارياتي سۋ تاسقىنى قاۋپى تونگەن 81 كەنتتىڭ 27 ءسى قاۋىپسىز ايماققا كوشىرىلەتىنى جونىندە مالىمدەدى، دەپ حابارلايدى قازاقپارات يرنا اگەنتتىگىنە سىلتەمە جاساپ.

جەكسەنبى كۇنى گولامرەزا شارياتي ءبىرقاتار كەنتكە سۋ كەلىپ جەتپەگەنىن، الايدا باسقا كەنتتەردىڭ تۇرعىندارى قاۋىپسىز ايماققا كوشىرىلگەن.

حۋزەستان پروۆينتسياسىندا توتەنشە جاعداي جاريالاندى. ەلدىڭ باتىس جانە وڭتۇستىك باتىس، سونىڭ ىشىندە حۋزەستان، يلام، لۋرەستان، كەرمانشاح جانە كۋرديستان پروۆينتسيالارىندا جويقىن سۋ تاسقىنى بولادى دەپ كۇتىلۋدە.

بۇعان دەيىن ەنەرگەتيكا ءمينيسترى رەزا ارداكانينان سۋ تاسقىنىنا قارسى كۇرەسۋ ءۇشىن جانە اپاتتا جەرگىلىكتى حالىق زارداپ شەكپەۋى ءۇشىن بيلىك تاۋلىك بويى جۇمىس ىستەۋگە كوشكەنىن جاريا ەتتى.

 وتكەن اپتادا قاتتى نوسەر جاۋىننىڭ سالدارىنان سۋ تاسقىنى بولىپ، يراننىڭ سولتۇستىگى، باتىسىندا جانە وڭتۇستىك باتىسىندا 42 ادام قازا تاۋىپ، كوپتەگەن ادام جاراقات الدى.

سوڭعى جاڭالىقتار