تەحاستا بولعان اتىستان 27 ادام قۇربان بولدى
وسىعان دەيىن CNN تەلەارناسىنان ساۋتەرلەند- سپرينگس ورنالاسقان ۋيلسون وكرۋگى اكىمشىلىگىنىڭ وكىلى البەرت گومەس ءسوز سويلەدى.
ول سوزىندە كەيبىر مالىمەتتەر بويىنشا مەرت بولعانداردىڭ سانى 27 ادام بولۋى مۇمكىندىگىن ايتتى. سونىمەن قاتار ول اتالعان اقپاراتتىڭ سول ۋاقىتتا ءالى ناقتى تەكسەرىلمەگەندىگىن جەتكىزگەن بولاتىن.
ۋيلسون وكرۋگىنىڭ شەريفى دجو تەكيت ءوز كەزەگىندە CNN تەلەارناسىنا 20-دان كەم ەمەس ادامنىڭ قازا بولعاندىعىن ايتتى.
سوڭعى مالىمەتتەر بويىنشا، بەلگىسىز ەر ادام شىركەۋگە كىرىپ بارىپ، ادامدارعا وق اتا باستاعان. قاسكويدى پوليتسيا اتىپ ءولتىردى.
CNN تەلەارناسىنىڭ وكىلدەرى وقيعا ورنىندا فەدەرالدىق تەرگەۋ باسقارماسى مەن پوليتسيا جۇمىس ىستەپ جاتقاندىعىن حابارلادى. جەرگىلىكتى تەلەارنالاردىڭ مالىمەتتەرى بويىنشا، جاراقاتتانعانداردى اۋرۋحانالارعا تىكۇشاقتارمەن جەتكىزىپ جاتتى.
تەحاس گۋبەرناتورى گرەگ ەببوتت تۆيتتەردە قۇقىق قورعاۋ ورگانى قىزمەتكەرلەرىنە ريزاشىلىعىن جەتكىزدى. ساۋتەرلەند- سپرينگس قالاسىنىڭ تۇرعىندارىنى سانى 400 ادامعا جۋىقتايدى.
