جاڭا قازاقستاندىق تەلەارنا 27- ناۋرىزدان حابار تاراتا باستايدى

استانا. قازاقپارات - «حابار» تەلەارناسى تاعى ءبىر ارنامەن تولىعا تۇسپەك.

27- ناۋرىز كۇنى «قازمەديا ورتالىعى» عيماراتىندا «ەل ارنا» تەلەارناسىنىڭ تانىستىرىلىمى وتەدى.

اتالمىش تەلەارنا وتاندىق كوركەم فيلمدەر مەن تەلەسەريالداردى تاراتادى. جالپى العاندا «ەل ارنا» اتاۋى كوپشىلىككە كەڭىنەن تانىمال. الايدا ونىڭ قامتيتىن تاقىرىپتارى مۇلدەم وزگەرگەن.

«مۇندا ماتەريالداردىڭ باسىم بولىگىن نەمەسە 80 پايىزىن كوركەم فيلمدەر قۇراسا، 20 پايىزى دوكۋمەنتاليستيكامەن بايلانىستى بولادى. قازاقستاندىق تۋىندىلار مەن وتاندىق سەريالدار كورسەتىلەدى»، - دەدى اعا رەداكتور ءاليا بالتابايەۆا.

«ءبىز سونىمەن قاتار اۆتورلىق فيلمدەردى دە نازارعا الماقپىز. بۇل جەردە 40- جىلداردىڭ تۋىندىلارى مەن «قازاق فيلم» كينوستۋدياسىنىڭ قازاق جانە ورىس تىلدەرىندەگى «التىن قورى» ساقتالادى.

«ەل ارنا» تەلەارناسىنىڭ جۇمىس كەستەسى جاس ەرەكشەلىكتەرىنە قارماستان بارلىق كورەرمەندەرگە قىزىقتى بولاتىنداي ەتىپ ۇيىمداستىرىلعان. تۇڭعىش بولىپ ەفيرگە قازاق ءۆالسىنىڭ كورولى اتانعان ايگىلى كومپوزيتور ءشامشى قالدىاياقوۆ تۋرالى كوركەم فيلم كورسەتىلەدى.

تەلەارنا رەجيسسەرى بايان  قىزىلوۆانىڭ سوزىنشە، باستى نازار بەينەلەندىرۋ جۇمىستارىنا اۋدارىلعان. سونىمەن قاتار تەلەارنانىڭ لوگوتيپى مەن بازالىق ءتۇسى وزگەرگەن. 27- ناۋرىز كۇنى ساعات 18:00 دەن باستاپ ءاربىر كورەرمەن تەلەارنانىڭ جاڭا كەلبەتىنە باعا بەرە الادى.