نە بارى 27 جاسىندا بەس بالانىڭ اناسى اتانعان كەلىنشەك باقىتتىڭ نە ەكەنىن ايتتى - فوتو
اينۇر مەن جاسكەن بالالارىمەن بىرگە ەكى بولمەلى پاتەردە تۇرادى.
«مەن كوپبالالى وتباسىنان ەمەسپىن. تەك ەكى اپالى- ءسىڭلىلى بىرگە وستىك. بولاشاقتا ءوزىم كوپبالالى انا اتانامىن دەپ ويلامادىم. جاسكەن ەكەۋىمىزدىڭ جۇبىمىز جاراسقانىنا ون جىلداي بولدى» ، - دەيدى اينۇر.
اينۇر 18 جاسىندا تۇڭعىشى انەلدى دۇنيەگە اكەلەدى.
«مەن بالالارعا داۋىس كوتەرمەيمىن. ارقايسىمەن ءتىل تابىسا بىلەمىن، بالالارىمدى تاربيەلەپ ءوسىرۋدى قيىن دەپ ساناعان ەمەسپىن» ، - دەيدى ول.
انەل جاقىندا توعىزعا كەلەدى، ال قالعان بالالارى 7, 6, 4 جانە ەكى جاستا.
ون جىلدان بەرى توقتاۋسىز دەكرەتكە شىعىپ جۇرگەن اينۇر ەندى ءوز كاسىبىن اشپاق نيەتتە.
«وتكەن جىلدىڭ قىركۇيەگىنەن باستاپ جەكە بيزنەسپەن اينالىسۋدى ۇيعاردىم. ساۋدا ۇيلەرىنىڭ بىرىندە كىشىگىرىم كيىم بۋتيگىن اشتىم. ۇيدە وتىرا بەرگەننەن جالىعاسىڭ، ەندى ءوز ءىسىمدى باستايمىن» ، - دەيدى كوپبالالى انا.
ال اينۇردىڭ كۇيەۋى قاراپايىم كرانشى بولىپ جۇمىس ىستەيدى.
تاڭعى جەتىدە تۇرىپ، بالالارىن مەكتەپ پەن بالاباقشاعا جينايتىن اينۇر بيزنەسىن دە قاتار الىپ جۇرۋگە بارىن سالۋدا.
وتباسى تاتۋ- ءتاتتى ءومىر ءسۇرىپ جاتىر. بالالار بىرىگىپ بوس ۋاقىتىندا ءتۇرلى ويىندار وينايدى.
ەڭ كوپ ۋاقىت الاتىن تىرشىلىك - بالالاردى سۋعا ءتۇسىرۋ.
"ساعات كەشكى سەگىزدە شومىلدىرۋدى باستاساق، تۇنگى 11 دە ءبىر- اق بىتەمىز"، - دەپ كۇلەدى اينۇر.
كەلىنشەك بالالاردى باعۋمەن قاتار ءوزىن كۇتۋدى دە ۇمىتپايدى. كەلىنشەك بەس بالانى دۇنيەگە اكەلگەنىنە قاراماستان، ءوز كوركىن جوعالتپاعان.
"قۇربىلارىم كەي كەزدەرى سەن ەسىڭنەن اداستىڭ دەيدى. مەنىڭ تاعى دا بالا كوتەرگىم كەلەتىنىنە تاڭ بولادى"، - دەيدى كەلىنشەك.
"كوپبالالى انا بولۋ شىن مانىندە قيىن ەمەس. ەڭ باستىسى سابىرلى بولا ءبىلۋ. بالالارىم مەكتەپتەن قۋانا ماعان جۇگىرىپ كەلىپ، قۇشاعىنا العاندا، بەس ەسە باقىتتى بولۋدىڭ نە ەكەنىن بىردەن سەزىنەمىن"، - دەپ اعىنان جارىلدى اينۇر.
NUR. KZ
