قازاقستان مەن رەسەي 27 ميلليارد دوللاردىڭ كەلىسىمدەرىنە قول قويادى - ەلباسى
كەزدەسۋ بارىسىندا ەلباسى ر ف پرەزيدەنتىمەن اعىمداعى جىلى سەگىزىنشى رەت كەزدەسىپ وتىرعانىن ايتا كەلە، مەملەكەتتىك دۋماداعى سايلاۋدا «ەدينايا روسسيا» پارتياسىنىڭ جەڭىسىمەن ۆ. پۋتينگە قۇتتىقتاۋىن جەتكىزدى.
«مەنىڭ ويىمشا، بۇل ءسىز ءۇشىن، رەسەي ءۇشىن جانە تۇراقتى دامۋ ءۇشىن ۇلكەن جەڭىس. بۇل ءوز كەزەگىندە قازىرگى قيىن كەزەڭدە وتە ماڭىزدى. وسى رەتتە پرەزيدەنتتىڭ جانە ءسىز جۇرگىزىپ وتىرعان ساياساتتىڭ جوعارى بەدەلىن كورسەتىپ وتىر»، - دەدى ن. نازاربايەۆ.
مەملەكەت باسشىسى بۇگىنگى قازاقستان مەن رەسەي ىنتىماقتاستىعىنىڭ XIII ءوڭىرارالىق فورۋمى وتە ماڭىزدى ەكەنىن، وعان قازاقستان مەن رەسەيدىڭ 900 بيزنەسمەنى جينالعانىن ايتتى. ەلباسىنىڭ سوزىنە قاراعاندا، فورۋمدا 27 ميلليارد ا ق ش دوللارى سوماسىنداعى بىرلەسكەن 40 كەلىسىمگە قول قويۋ بولجانىپ وتىر.
ءوز كەزەگىندە ر ف پرەزيدەنتى ۆ. پۋتين ەكى ەلدىڭ اراسىنداعى قاتىنىستار ستراتەگيالىق سەرىكتەستىك مانىنە يە ەكەنىن اتاپ ءوتتى. سونىمەن قاتار ول وبەكتيۆتى جاعدايعا بايلانىستى بەلگىلى ءبىر پروبلەمالار بار ەكەنىن دە جەتكىزدى.
«بۇل جاعدايلاردىڭ وبەكتيۆتى سيپاتى ساۋدا- ەكونوميكالىق اينالىمدا ءبىرشاما تۇزەتۋلەرگە الىپ كەلەدى. ءبىز وسىعان ارەكەت ەتىپ، بۇل قۇبىلىستاردىڭ ىقپالىن بارىنشا تومەندەتۋدىڭ جولدارىن ىزدەۋىمىز كەرەك»، - دەدى ول.
ۆ. پۋتيننىڭ ايتۋىنشا، استاناداعى فورۋمعا قاتىسىپ جاتقان 900 بيزنەسمەننىڭ اراسىندا 400- ءى رەسەيلىك كاسىپكەرلەر ەكەن.
سونىمەن قاتار رەسەي پرەزيدەنتى كەشە ورىنبوردا كاسىپكەرلەرمەن كەزدەسكەنىنە توقتالا كەلە، ولاردىڭ كوبىسى قازاقستانمەن تىكەلەي جۇمىس ىستەيتىنىن جانە وسى جەمىستى قارىم- قاتىناس ءوزىن قۋانتقانىن ايتتى. ول كولىك جانە لوگيستيكالىق ينفراقۇرىلىمدى دامىتۋ تاقىرىبىندا ءوتىپ جاتقان بۇگىنگى فورۋم ەكونوميكانى دامىتۋ ءۇشىن جاعداي جاساۋدا وتە ماڭىزدى ەكەنىن ءسوز ەتتى. ونىڭ پايىمىنشا، بۇگىنگى كەلىسسوزدەر بارىسىندا جوسپارعا الىنعان جوبالار الداعى ۋاقىتتا ءوز ناتيجەسىن بەرەتىن بولادى.
اۆتور: رۋسلان عابباسوۆ
