ءبىر ءوزى 27 رەت كولىك ۇرلىعىن جاساعان جىگىت قولعا ءتۇستى
قولعا تۇسكەندەردىڭ جىل باسىنان بەرى 40 قا جۋىق قىلمىسقا قاتىسى بار.
سولاردىڭ ءبىرى - قالالىق ىشكى ىستەر باسقارماسىنىڭ جەدەل ۋاكىلدەرى ۇستاعان 24 جانە 22 جاستاعى ەكى جىگىت تەك BMV ماركالى كولىكتەردى ۇرلاپ كەلگەن. تەمىر تۇلپاردى بولشەكتەپ، ساۋدا نۇكتەلەرىنە وتكىزىپ جىبەرىپ وتىرعان ەكەن. بۇعان قوسا 15 قىلمىسقا قاتىسى بار كۇدىكتى ۇستالدى.
«جەدەل- ىزدەستىرۋ ءىس- شارالارى بارىسىندا پوليتسەيلەر تاعى ءبىر كۇدىكتىنى قولعا ءتۇسىردى. ول 1988 -جىلى تۋىلعان شىمكەنت قالاسىنىڭ تۇرعىنى. كۇدىكتىنىڭ 15 قىلمىسقا قاتىسى بار ەكەنى انىقتالدى. ونىڭ 8 ى اۆتوكولىك ۇرلىعى بولسا، 7 ەۋى اۆتوكولىكتەن ۇرلاۋ دەرەكتەرى»، - دەيدى شىمكەنت ق ءى ءى ب باستىعىنىڭ ءبىرىنشى ورىنباسارى ەرماحان ءابدرامانوۆ.
سونداي- اق، جالعىز ءوزى 27 كولىك ۇرلىعىن جاساعان كۇدىكتى دە قولعا ءتۇستى. 30 جاستاعى شىمكەنت تۇرعىنى بۇعان دەيىن سوتتى بولعان. تۇرمە ساباق بولماسا كەرەك، 3 رەت اۆتوكولىك ايداپ كەتسە، 24 ماشينانى توناعان.
جابىرلەنۋشىلەرگە كەلتىرىلگەن جالپى شىعىن كولەمى 20 ميلليون تەڭگەگە جۋىق. قازىر ۇرلانعان اۆتوكولىكتەردىڭ ءبىرازى جانە باعالى زاتتار ايعاق زات رەتىندە تاركىلەنىپ، زاڭدى يەلەرىنە قايتاردى.
اتالعان جايتتار بويىنشا قىلمىستى كودەكستىڭ 188 (ۇرلىق) جانە 200-باپتارى (اۆتوكولىكتى زاڭسىز ايداپ اكەتۋ) بويىنشا ءىس قوزعالدى. كۇدىكتىلەر قاماۋدا. سوتقا دەيىنگى تەرگەۋ امالدارى جۇرگىزىلۋدە، دەپ حابارلايدى otyrar.kz.
