تۇركياداعى جارىلىستان قازا تاپقاندار سانى 27 ادامعا جەتتى

استانا. قازاقپارات - تۇركيانىڭ سيريامەن شەكتەسەتىن سۋرۋچ قالاسىندا بولعان جارىلىستان قازا تاپقاندار سانى 27 ادامعا جەتتى، دەپ حابارلادى «BBC» اگەنتتىگى.

ب ا ق اقپاراتىنشا، 100 گە جۋىق ادام جارالانعان. بيلىك جاپا شەككەندەردىڭ سانى بۇدان دا كوپ بولۋى مۇمكىن دەگەن بولجام جاسادى.

وسىعان دەيىن جارىلىستان كەم دەگەندە ون ادام قازا تاۋىپ، ودان دا كوپ ادام زارداپ شەككەنى حابارلانعان.

سۋرۋچ «يسلام مەملەكەتى» سودىرلارى مەن كۇرد اسكەرلەرى قاقتىعىسقان سيريانىڭ كوباني قالاسىنا جاقىن ورنالاسقان.

كوباني - كۇردتەر تۇراتىن ستراتەگيالىق ماڭىزدى قالا. «ي م» سودىرلارى وتكەن جىلى قالاعا شابۋىل جاساپ، ون مىڭداعان ادام تۇركياعا قاشقان بولاتىن.