ي. تاسماعامبەتوۆ الماتى وبلىسىندا س ۋ-27 اپاتىندا قازا تاپقان ۇشقىشتاردىڭ ناگرادالارىن انالارىنا تابىس ەتتى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
پودپولكوۆنيك ەرلان ناۋانوۆ پەن پودپولكوۆنيك دەنيس گوربۋنوۆتان قۇرالعان ەكيپاج ۇشاقتى ەلدى مەكەننەن اۋلاققا الىپ كەتۋگە بار مۇمكىندىك جاساعان بولاتىن. «مەملەكەت باسشىسىنىڭ جارلىعىمەن جاۋىنگەرلىك جانە قىزمەتتىك بورىشىن ورىنداۋ كەزىندە كورسەتكەن ەرلىگى مەن جانقيارلىعى ءۇشىن پودپولكوۆنيكتەر ەرلان ناۋانوۆ پەن دەنيس گوربۋنوۆ قازا تاپقاننان كەيىن Ⅱ دارەجەلى «ايبىن» وردەنىمەن ناگرادتالدى.
وسىنداي ەرجۇرەك وفيتسەرلەر حالىقتىڭ ماقتانىشى، مەملەكەتتىڭ داڭقى مەن قۋاتىن وسىنداي ادامدار كوتەرەدى»، - دەپ اتاپ ءوتتى قورعانىس ءمينيسترى. ول ناگرادالاردى ە. ج. ناۋانوۆتىڭ اناسى ريزا بەكەن قىزى مەن د. ي. گوربۋنوۆتىڭ اناسى تاتيانا الەكساندروۆناعا تابىس ەتتى.
«سىزدەردىڭ ۇلدارىڭىز ءبىزدىڭ ەسىمىزدە وتانعا قىزمەت ەتۋ مەن اسكەري قىزمەت اتقارۋدىڭ ۇلگىسىن كورسەتكەن ەرجۇرەك وفيتسەر جانە ناعىز كوماندير رەتىندە ماڭگى ساقتالادى»، - دەدى ي. تاسماعامبەتوۆ.
