10:47, 17 - جەلتوقسان 2014 | GMT +5
جاپونيادا 270 تەن استام ۇشاق رەيسى كەيىنگە شەگەرىلدى
استانا. قازاقپارات - سارسەنبى كۇنى قاردىڭ كوپ تۇسۋىنەن جاپونيانىڭ حوككايدو ارالىندا 5 مىڭنان استام ءۇي ەلەكتر جارىعىنسىز قالدى، دەپ حابارلادى Hokkaido Electic Power Co ەنەرگەتيكالىق كومپانياسى.
كومپانيانىڭ مالىمەتتەرى بويىنشا، نەگىزىنەن ارالدىڭ شىعىسىنداعى 19 ەلدى مەكەن ەلەكتر جارىعىنان اجىراپ قالدى.
قالىڭ تۇسكەن قاردان حوككايدودا تەمىر جول جانە اۋە قاتىناستارىنا دا كۇردەلى زاقىم كەلدى. 300 دەن استام پويىزدىڭ قوزعالىسى توقتاتىلىپ، 272 اۋە رەيسى كەيىنگە قالدىرىلدى.
ەلدىڭ ۇلتتىق مەتەورولوگيالىق باسقارماسىنىڭ مالىمەتتەرى بويىنشا حوككايدونىڭ شىعىسىندا كەيبىر اۋدانداردا جەلدىڭ جىلدامدىعى سەكۋندىنا 35-40 مەترگە دەيىن جەتەدى، وتكەن تاۋلىكتەردە وندا 70 س م- دەن استام قار ءتۇستى. ارال تۇرعىندارىنا توتەنشە قاجەتتىلىكسىز ءوز ۇيلەرىنەن كەتپەۋگە كەڭەس بەرىلدى، دەپ جازادى ت ا س س.
