تەمىرجول كوپىرى وپىرىلىپ، 26 ادام قازا تاپتى
مەملەكەتتىك تەمىرجول باسقارماسى تەكسەرۋ باستادى، دەپ حابارلايدى قازاقپارات Reuters اگەنتتىگىنە سىلتەمە جاساپ.
بۇقارالىق اقپارات قۇرالدارى كوپىر قۇلاعان كەزدە وقيعا ورنىندا 40 قا جۋىق جۇمىسشى بولعانىن جازۋدا، ال پوليتسيا 28 جۇمىسشى تۋرالى حابارلادى.
قازىرگى ۋاقىتتا قۇتقارۋشىلار 13 ادامنىڭ ءمايىتىن تاپتى. ىزدەستىرۋ-قۇتقارۋ وپەراتسياسى جالعاسىپ جاتىر.
وقيعا بحايربي-سايرانگ جاڭا تەمىرجولىنىڭ قۇرىلىسى كەزىندە بولدى. جاڭا جول ميزورامدى ەلدىڭ قالعان بولىگىمەن جالعاستىرىپ، تۋريستەر اعىنىن ارتتىرادى، الەۋمەتتىك-ەكونوميكالىق دامۋعا سەرپىن بەرەدى دەپ كۇتىلەدى.
ەلدىڭ پرەمەر-ءمينيسترى نارەندرا مودي زارداپ شەككەندەرگە جان-جاقتى كومەك كورسەتىلەتىنىن مالىمدەدى.
ەسكە سالايىق، ماۋسىم ايىندا ءۇندىستاندا سوڭعى جيىرما جىلدا بولماعان ەڭ ءىرى تەمىرجول اپاتى ورىن الىپ، كەم دەگەندە 288 ادام كوز جۇمدى.
ال وتكەن جىلدىڭ قازان ايىندا ەلدىڭ باتىسىنداعى گۋدجارات شتاتىندا اسپالى كوپىر وپىرىلىپ، 135 ادام قازا تاپقان بولاتىن.
