ەلوردادا 26 مىڭنان اسا وقۋشى مەكتەپ تاپشىلىعىنىڭ زاردابىن تارتىپ وتىر
«ەلوردا ماڭىندا ورنالاسقان«لەسوزاۆود» اۋدانىنداعى №49-مەكتەپكە باردىم. مۇندا 1300 دەن استام بالا وقيدى. مەكتەپتەگى قاۋىپسىزدىكتى قامتاماسىز ەتۋ جۇمىسىمەن تانىسىپ، وقۋ كابينەتتەرىن ارالادىم، كىتاپحانادا وقۋشىلارمەن جانە كىتاپحاناشىمەن اڭگىمەلەستىم. سونداي-اق ارىپتەستەرىممەن جۇمىس ماسەلەلەرىن تالقىلادىق. استاناداعى ءبىلىم باسقارماسىنىڭ مەكتەپتەردە وقۋشىلار سارايىنىڭ فيليالدارى مەن باسقا دا قوسىمشا ءبىلىم بەرۋ ۇيىمدارىن اشۋ بويىنشا وڭ تاجىريبەسىن اتاپ وتكىم كەلەدى. مىسالى، بۇل مەكتەپتە اۆيامودەلدەۋ، بوكس، ۆولەيبول جانە باسقا ۇيىرمەلەر جۇمىس ىستەيدى»، - دەپ جازدى مينيستر Facebook پاراقشاسىندا.
اسحات ايماعامبەتوۆ«جايلى مەكتەپ» ۇلتتىق جوباسىن ىسكە اسىرۋ اياسىندا جاڭا مەكتەپ سالۋ جوسپارلانىپ وتىرعان بىرنەشە ورىنعا بارعان.
بۇل - كەرەي جانە جانىبەك حاندار كوشەسىندەگى (ءارقايسىسى 2000 وقۋشى ورنى)، تولە بي كوشەسىندەگى (2000 وقۋشى ورنى) جانە بايتۇرسىنوۆ، 7-مەكەنجايىنداعى (600 وقۋشى ورنى) مەكتەپتەر.
ونىڭ ايتۋىنشا، قازىر قالادا وقۋشى ورنىنىڭ تاپشىلىعى 26 مىڭنان اسادى.
بۇل ماسەلەنى شەشۋ ءۇشىن 2024-2025 -جىلدارعا ارنالعان ۇلتتىق جوبا شەڭبەرىندە ەكى اۋىسىمدا 85 مىڭنان استام وقۋشى ورنىن قامتاماسىز ەتەتىن 24 مەكتەپتىڭ قۇرىلىسىن اياقتاۋ جوسپارلانعان.
باسىم كوپشىلىگى 2024 -جىلى سالىنىپ بىتەدى.
«ۇلتتىق جوبانى ىسكە اسىرۋعا جەتەكشىلىك ەتەتىن استانا اكىمدىگىنىڭ وكىلدەرى جەر ۋچاسكەلەرىن ءبولۋ، جسق دايىنداۋ، ينجەنەرلىك ينفراقۇرىلىم جانە ت. ب. ماسەلەلەردى شەشىپ جاتقانىن اتاپ كەتكىم كەلەدى. بولاشاقتا ەلوردادا ءبىلىم بەرۋ وبەكتىلەرىن سالۋ ءۇشىن 102 جەر ۋچاسكەسىن ءبولۋ جونىندەگى شەشىم دە ۋاقىتىلى قابىلداندى. پرەزيدەنتتىڭ جاڭا ۇلتتىق جوبانى ىسكە اسىرۋ جونىندەگى تاپسىرماسى اياسىندا الداعى ۋاقىتتا ءۇش اۋىسىمدى وقىتۋ ماسەلەسى عانا ەمەس، وقۋشى ورىندارىنىڭ تاپشىلىعى دا تولىق شەشىلەدى»، - دەپ تۇيىندەدى اسحات ايماعامبەتوۆ.
